Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ekonomi eta Gizarte Arazoetarako Batzordeak energia, hezkuntza eta demografiari buruzko ekimen propioak areagotuko ditu


2009-01-27 12:41

BILBO, 27 (EUROPA PRESS)

Euskadiko Ekonomia eta Gizarte Arazoetarako Batzordeak (EGB) azken hilabeteetan egindako jarduerari buruzko balantzea aurkeztu du gaur goizean Bilbon. Gainera, erakundea dinamizatzeko ekimen propio berri batzuk ere plazaratu ditu, besteak beste, energia, hezkuntza eta demografiari buruzkoak.

Neurri berrien aurkezpenean, Euskadiko EGBren presidente Jose Luis Ruizek gogoratu du EGB Eusko Jaurlaritzako eta Euskal Legebiltzarreko kontsulta-organoa dela, eta bere eginkizunen artean, Gobernuak egiten dituen legeei nahiz dekretuei buruzko irizpenak eta iritziak eratzea dagoela.

Lege-jarduerak hurrengo hilabeteetan gelditzea jasango duela ohartu gara, aurre-hauteskundeen epealdia, hauteskundeak eta gobernu berriaren eraketa direla medio. Hori dela eta, Batzordeak arazo esanguratsuei buruzko zenbait azterlan bultzatu eta gai horiek etorkizunean eztabaidatzeko baliagarriak diren lanak egiteko ekimena bultzatu du, adierazi du Ruizek.

EGBren presidenteak txostenetan jasoko diren edukiak xehatu ditu, betiere energia berritzaileei, hezkuntza-prestakuntzari eta proiekzio demografikoei buruzkoak, baita horiek Euskadin izandako eraginari buruzkoak ere.

Lehenengo azterketari dagokionez, hots, Energia berritzaileen euskal potentziala, xedea energia horiek erakartzeko teknologietan eskuratutako heldutasun maila aztertzea da. Halaber, gai horri begira 2020. urterako zehaztutako xedeak erdiesteko ezarri beharreko helburuak definituko dira.

Beste lan batzuren artean, Hezkuntza-sistema eta giza kapitala azpimarratuko du EGBk, eta horrek EAEko ekoizpen eta enpresa-ehunaren beharrizanen eta goi mailako Lanbide Heziketan nahiz unibertsitateko diziplinetan ageri den hezkuntza-eskaintzaren arteko korrelazioa aztertuko du. Azterketa horren barruan, hezkuntza-mota horretan eragindako gastu publikoaren bilakaera eta beste alderdi batzuk jasoko dira, hala nola, zenbait titulaziotan emakumezkoek duten ordezkaritza.

Amaitzeko, bilakaera demografikoa eta ondorio ekonomikoak nahiz gizartekoak gogoetarako xede izango dira Eragin ekonomikoa eta gizarte-eragina proiekzio demografikoen EAEn gaiari buruzko azterketan.

Bestalde, Euskadiko Ekonomia eta Gizarte Arazoetarako batzordeburuak eztabaida-foro berria abian jarri dela iragarri du, Tribuna Eztabaida, hain zuzen. Tribuna Eztabaida bi hilerik behin egingo da eta mundu ekonomikoko pertsona ospetsuek esku hartuko dute. Tribuna horren jarduerak otsailaren hasieran hasiko dira.

Ekimen horren ildotik, EGBk Informazio Buletina ere abian jarri du, kontsulta-organo horren ahotsa nahiz iritziak herritar kopuru handiak jaso ditzan. Buletina, era berean, bi hilerik behin igorriko da eta abaguneari buruzko berri nahiz adierazle nagusiak jasoko dira, bai eta Batzordeak gauzatutako jardueraren laburpenak eta europar lankidetzaren inguruan garatutako zeregina.


186 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin