Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EIZIEk euskarazko bikoizketaren inguruko jardunaldia antolatu du ostegunerako Eskoriatzan


2006-11-21 13:21

DONOSTIA, 21 (EUROPA PRESS)

Euskal Itzultzaile, Zuzentzaile eta Interpreteen Elkarteak (EIZIE) euskarazko bikoizketaren inguruko jardunaldia antolatu ostegunerako, Eskoriatzan, Mondragon Unibertsitatearen HUHEZI Fakultatean, hain zuzen ere, antolatzaileek gaur adierazi dutenez.

Euskarazko ikus-entzunezko itzulpena mintzagai hartuta, Euskal Herrian publiko aurrean egiten den lehen jardunaldia izango da, EIZIEko iturrien arabera. Lanbide horretan diharduten etxeetako ordezkari guztiak bilduko dira Eskoriatzan, egun bateko saioan, euskarazko bikoizketaren ezaugarriak eta berezitasunak aztertzeko.

EIZIEren arabera, euskarazko bikoizketa, gaur egun ETBrako egiten da gehienbat, eta, zoritxarrez, askoz gutxiago zinemarako eta DVDtan zabaltzen diren filmetarako. Izan ere, zinemarako ere asko bikoiztuko balitz, esate baterako, beste egoera batean geundeke gaur: euskarak presentzia handiagoa eta normalagoa izango luke kalean eta gure bizimoduan, azaldu dute.

Horrela, jardunaldian landuko diren gaiei dagokienez, Mixer Edertrack bikoizketa etxeko Jesus Eguzkitzak bikoizketaren berri emango du; enkargua jasotzen denetik eta euskarazko bertsioa entregatu arteko ibilbidea azalduko du.

Mixer Irusoin etxeko Iñaki Zubizarretak euskarazko bertsioa nola prestatzen den azalduko du, itzulpen-egokitzapena, pertsonaien ezaugarriak eta hizkuntza erregistroak edota publizitatea jorratuz. Jarduera honek euskararen biziberritzean duen garrantzia landuko du.

Marian Galarraga Tinko Elkarteko arduradunak zinemarako bikoizketa aztertuko du (erdal filmak euskarara eta euskarazko filmak erdaretara). Ikusleen eta banaketaren alderdiez ere mintzatuko da. Amaitzeko, Asier Larrinaga ETBko Euskara Sailaren buruak, bezeroaren ikuspegitik, egin ostekoaren inguruko hausnarketa egingo du.


213 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin