Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eibarrek 140.000 euro inbertsioa duen merkataritzako seinaleztapen plan bat jarri du abian


2006-11-14 12:14

DONOSTIA, 14 (EUROPA PRESS)

Eibar Merkatal Gune Irekia Elkarteak (ECCA) merkataritzako seinaleztapen proiektu bat jarriko du abian hilabete honen amaieran hirigunean merkataritza eta ostalaritza establezimenduen kokapenaren inguruko informazioa jasoko duten hainbat elementuren instalazioaren bitartez.

ECCAk, hiriaren merkataritza dinamizaziorako entitate pribatu zein publikoen artean sortutako erakundeak, Proseñal enpresa katalanari esleitu dio ekimenaren garapena. ECCAk, Eibarko Udalak eta Eusko Jaurlaritzak sinatutako hitzarmenetik datozen 140.000 euroko kostua izango du egitasmoak.

Ezarriko diren elementuak hiru izango dira. Alde batetik, aluminiozko monolitoak, lurrean anklatuak egongo direnak eta bi metro eta erdiko altuera izango dutenak. Hauek, kokatuko diren kalean dauden merkataritza establezimendu ezberdinak jasoko dituen direktorioa izango dute. Guztira 29 direktorio ezarriko dira hiriko erdiguneko kaleetako muturretan.

Elementu hauen funtzioa kaleko merkataritza establezimenduen kokapena erraztea da elkartasunezko irudia emanez, eta familia eta koloretan sailkatuko dira. Seinalean, kalearen izena, establezimenduen izendapena eta dagokien sektorea (elikadura, moda, etxea, lurrindegia, ostalaritza eta abar) agertuko dira, eta baita honen kokapen zehatza ere.

Seinaleztapen plan honen bigarren elementua estandarte edo banderolak izango dira. Bost metroko altuera duten poste hauek Eibar Merkatal Gune Irekiko irudiaren euskarri izango dira eta, era berean, gune komertziala mugatuko dute. Sarbide nagusietan eta etorpen handiko puntuetan mota honetako 27 seinale ipiniko dira.

Hirugarren elementua planoak dira. Merkataritza gune handietan egoten direnen moduko egitura hauek hirian merkataritza jarduera handiena duten lau puntuetan ipiniko dira. Plano hauek mahai forma izango dute, metro eta erdiko zabalerarekin, eta bertan, herritarrek merkataritza gunea osatzen duten kale guztien direktorioa ikusi ahal izango dute. Planoek herriko informazio orokorra ere jasoko dute.

Kaletako direktorio bertikalek, estandarteek eta planoek euskarazko eta erdarazko informazioa izango dute eta aluminiozkoak izango dira. Ekintza bandalikoei aurre egiteko material erresistenteez eginak daude, eta graffiti-en aurkako berniza izango dute.

Lehen seinaleak hilabete honen amaieran ipintzen hasiko dira eta ondorengo asteetan bukatzea espero da, urte amaierarako instalazioa bukatua egon dadin. Direktorioetan Eibar Merkatal Gune Irekira elkartutako merkataritza eta ostalaritza establezimendu guztiak agertuko dira.

Ekimen hau Eibar Merkataritza Gune Irekiak hiriko merkataritzaren dinamizazioarako antolatutako proiektuen artean kokatzen da, hala nola, Untzagako patinatzeko pistaren instalazioa, beherapenen feria (Eibar Factoring) edo jardunaldi informatiboak.


208 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin