Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eibarko Juan San Martin liburutegiak kalera aterako ditu liburuak gaurtik hilaren 22ra bitartean


2006-10-13 17:08

DONOSTIA, 13 (EUROPA PRESS)

Gaur hasi eta hilaren 22ra bitartean Euskadiko Liburu Azokako Batzordeak antolatuta eta Eibarko Udalak lagunduta herri gipuzkoarrean egingo den Liburu eta Disko Azokan parte hartuko du Juan San Martin herri liburutegiak. Kalera atereaz, erabat doan eskaintzen dituen zerbitzu ororen berri zabaldu nahi dute liburutegiko arduradunek.

Ekimen honen bidez, Untzaga Plazako Liburu eta Disko Azokaren eremuan, Eibarko udal bibliotekak eskaintzen dituen zerbitzu zabalen berri emango zaie herritarrei: hemeroteka, fonoteka, Internet eta abarren berri.

Horrez gain, Juan San Martin liburutegiak dituen funtsen zati bat --erabat doan etxera eramaterik dauden liburuak, diskoak, edota filmak, adibidez-- erakutsiko da bertan. Azokak irauten duen bitartean, liburutegiak plazaratuko dituen liburuak, diskoak eta abar azokan bertan maileguan hartzerik izango da, baita liburutegiko bazkidea egiteko aukera ere. Izan ere, liburutegiaren sukurtsal modukoa izango da Untzaga plazan liburutegiak eta udalak jarritako standa.

Eusko Jaurlaritzako Kultura Ondarearen Zuzendaritzak irakurketa eta liburutegien erabilera sustatzeko martxan jarritako Irakurri kalean kanpainaren barnean antolatu du Eibarko herri liburutegiak ekimen hau.

Urtetik urtera mailegu kopurua nabarmen igotzen joan da. Azken bost urteetan, adibidez, aurreko urtetan baino 5.000 mailegu gehiago egin da urtean zehar eta, guztira, 2000. eta 2005. urte bitartean 26.163 mailegu gehiago egin dira. Beste datu honek ere adierazten du norainoko arrakasta du Juan San Martin liburutegiak: 5,4 bazkide egiten dira, batez beste, egunero. Marka hori gainditu nahi dute arduradunek oraingo honetan Eibarko Liburu eta Disko Azokan parte hartuz.


193 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin