Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eibarko (Gipuzkoa) ur hornidura berria inauguratu da, bederatzi milioi eurotik gorako inbertsioa egin ondoren


2009-02-12 13:49

DONOSTIA, 12 (EUROPA PRESS)

Eibarko ur horniduraren sistema berria inauguratu dute gaur Gipuzkoako Foru Aldundiko Garapen Iraunkorreko diputatu Carlos Ormazabalek eta Eibarko alkate Miguel de los Toyosek. Azpiegitura berrirako 9.313.423 euroko inbertsioa egin behar izan da eta

%50ean finantzatu dute Gipuzkoako Foru Aldundiak eta Gipuzkoako Ur

Kontsortzioak. Gipuzkoako Ur Partzuergoko ordezkariek

ere parte hartu dute ekitaldian.

Inauguraziorako, XX. mende hasierako Sagarerreka tunelaren sarreran eraikitako deribazio etxola aukeratu da. Tunel horrek 1.770 metro ditu eta zangarik egin gabe hodi berriaren zati bat instalatzeko baliatu da.

500 milimetroko diametroko galdaketa hodiaren 6.920 metro eraiki dira, bai eta diametro bereko eta Sagarerreka tunela zeharkatzeko alde batetik hormigoiz babestutako beira zuntza duen poliester indartuzko 1.770 metro eroanbide ere. Tunel hori eroanbide berrirako erabiltzeko, aurrez 2.765 m3 lokatz atera eta tunelaren sarreran nahiz irteeran sarbide etxolak eraiki behar izan dira. Halaber, deribazio etxola berriak eraiki dira Soraluze, Iragorri, Uki eta Ipurua/Tutulukuarako.

Urkulutik datorren emaria erregulatu ahal izateko, ur eroanbidearekin batera zuntz optikoaren bidez komunikazio abiadura handiagoa ematen duen horniduraren parametrorik garrantzitsuenen egoera denbora errealean kontrolatzen duen teleaginte sare bat instalatu da. Horretarako, beharrezkoa izan da Urkuluko EUAn dagoen toki zentrala zabaltzea, bertan sartzeko instalazio berrien urruneko estazioak eta Aixola presarako lotura. Teleaginteko sare horrek Urkulu eta Aixolako sistemak lotzen ditu.

Iazko abuztura arte, Eibar hainbat lekutik hornitzen zen, nagusiki, Aixolako urtegitik, horrek hornitzen baitu udalerriko goiko

alderdia, Ipurua eta Tutulukuako tangen bitartez. Hiriaren beheko zatia Iragorri eta Urkiko tangetatik hornitzen da eta bi horiek hargune propioak dituzte.

Aixolako urtegiak 2,76 hm3-ko biltegiratze bolumena eta 150 l/s gutxi gorabeherako erregulazio gaitasuna ditu, eta hortik 15 l/s Ermua hornitzeko erabiltzen dira, 135 l/s geratzen direlarik Eibarrerako.

Iragorriko tangak hainbat bilketaguneko sistema du. Deba ibaiaren

adarrak diren Sagar (420 ha-ko arroa) eta Sasibeltz (60 ha-ko arroa)

erreketan hasten da. Eroanbideak tunel banatzailea zeharkatzen du Deba eta Egoren arroen artean, tangara iristeko. Bestalde, Urkiko tangak, hurrenez hurren 72 eta 76 ha-ko arroak dituzten Txonta eta Unbe erreketako ekarpenak erregulatzen ditu.

Batzuetan ekarpen horiek guztiak ez dira nahikoak izan eta ezin zen hornidura bermatu lehorte urteetan. Halaber, Iragorri eta Urkiko

tangetan tratatutako uren kalitatea ez zen egokia. Adibide argia izan

zen 1989-1990eko lehortea, Eibarko Udalak Bergaratik behin-behinekoz ura eraman zuen hiriak jasaten zituen ur mozketak arintzeko.

Arazo horiek konpontzeko, Gipuzkoako Lehortearen aurkako Planean Debagoieneko udalerriak hornitzen dituen Urkuluko hornidura sarea Eibarko tanga nagusiekin lotzea ahalbidetu duen konponbidea aztertu zen. Horrek 170 l/s ekarpena egin du, Aixolatik datorren emariarekin bateratuta, hiriari emari eta kalitate bermeko ur hornidura ziurtatzen diolarik.


368 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin