Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eibarko Armeria Eskolako talde batek LHko proiektuen lehiaketa bat irabazi du


2006-11-13 17:20

BILBO, 13 (EUROPA PRESS)

Eibarko Armeria Eskolako ikasleek joan den asteburuan Barakaldoko Bilbao Exhibition Centre (BEC) erakustazokako instalazioetan ospatutako Euskal Autonomia Erkidegoko Lanbide Heziketako zentroei zuzendutako I. Euskal Trebaldia Mekatronika lehiaketa irabazi dute.

Lehiaketa hau Eusko Jaurlaritzako Hezkuntza Sailak DBHko azken ikasturteko ikasleei prestakuntza-eskaintza eta honek enpleguarekin duen harremana hurbiltzeko helburuarekin antolatutako Lanbide Heziketako III. Erakusketarako prestatu diren ekintzen artean kokatzen da.

Armeria Eskolak antolaturiko bi lehiaketa mota ezberdinetan parte hartu du, Mekatronika eta Fabrikazio Mekanikoan, hain zuzen ere. Zentro eibartarreko taldeek emaitza onak izan dituzte, Mekatronika mailan Alexander Echeverria Martinez eta Mikel Pizarro Nogales, Erregulazio eta Kontrol Automatikoko Sistemetako Goi Mailako Zikloetako ikasleak, irabazle izan baitira; Fabrikazio Mekanikoan, Harkaitz Yarza Vidal eibartarra eta Raul Gomez Anton ermuarra finalista geratu dira.

Guztira, Euskal Herri osoko 30 lanbide heziketa zentro publiko zein pribatuetako ikasle taldeak eta Mexikoko Universidad del Valleko talde batek parte hartu dute lehenengo aldiz ospatu den ekimen honetan.

Armeria Eskolako zuzendari Jose Luis Novoa oso pozik agertu da lortutako emaitzekin eta lehiaketa hau Euskadiko Lanbide Heziketako Lehiaketarekin parekatu du. Euskadiko txapeldunak garela esan dezakegu, adierazi zuen atzo zentroko arduradunak. Novoaren ustez, sari honek Armeria Eskolan eskeintzen den prestakuntzaren kalitatea azpimarratzen du.

Armeria Eskolako taldea bi ikaslek eta irakasle tutore batek osatu dute. Taldeak maketa txiki batzuk muntatu, automatizatu eta programatzeko hainbat ariketa egin behar izan zituzten, lehiaketako oinarrietan eskatzen ziren emaitzak lortu ahal izateko. Epaimahaiak ariketaren burutze maila eta lana bukatzeko erabilitako denbora hartu zituen kontutan. Lehiaketan parte hartu duten ikasleek aldez aurretik zuten formakuntza osatu dute beraien zentruetako instalazioetan lehiaketara aurkeztu baino lehen.

Epaimahaiak lan onena Armeria Eskolako ikasleena zela erabaki zuen. Sari banaketa pasa den larunbatean izan zen BECen, Lanbide Heziketako III. Erakusketan.


435 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin