Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eibarko Armeria Eskolako frontoiak 50 erabiltzaile baino gehiago ditu dagoeneko


2006-11-02 13:54

DONOSTIA, 2 (EUROPA PRESS)

Joan den urriaren 2an ateak ireki zituen Eibarko Armeria Eskolako patio estalian dagoen frontoiak dagoeneko 50 erabiltzaile baino gehiago ditu. Pilota eskolako gazteak, federatuak eta txapelketako partidek erreserbatutako orduen gehiena betetzen dute. Hala ere, eskolatik ordu libreak gelditzen direla gogorarazi dute eskola eibartarreko arduradunek.

Astearte, ostegun eta ostiraletan, adibidez, frontoia 18,00etatik 19,00etara libre dago, eta 16,00, 17,00 eta 21,00etatik 22,00etara, ordea, erreserbatzeko aukera ere badago, adierazi zentro eibartarretik. Momentu honetan frontoia aldez aurretik erreserbatutako orduen arabera zabaltzen dute. Horrela, gaur egun 13 bat ordu dira, baina, erabiltzaileek eskatzen badute, larunbat eta igandeetan ere irekiko dutela iragarri dute.

Frontoiaren erabiltzaileak dutxak eta bainugelak dituzte. Gainera, autoa kirol instalazioaren parean aparkatzeko aukera dago, Armeria Eskolak Kantoiko gasolindegiaren aurrean dagoen atea zabaltzen denez, gune horretan autoak aparkatzeko aukera dagoelako.

Frontoiaren irekiera Armeria Eskolak eta Eibarko Udalak sinatutako hitzarmen batetik dator. Hitzarmen honen helburua Orbea frontoiko erabiltzaileak hartu eta interesaturik dauden beste pertsonei ere zerbitzu hau eskaintzea da.

Orbea frontoiko erabiltzaile ohi batzuk ari dira dagoeneko Armeria Eskolako frontoi estalia erabiltzen, baina zentro eibartarretik adierazi dutenez, badaude oraindik Orbea frontoian geratzen direnak. Agian, Armeria Eskolako frontoira etorri nahi dutenean ez dute tokirik izango hemen, ohartarazi dute.

Informazio gehiago lortzeko edota orduak erreserbatzeko interesatuek zentro eibartarreko telefono zenbakira deitu dezakete (943 20 32 44).


157 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin