Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EHUko Meatze Ingeniaritza Teknikoko Unibertsitate Eskolako zuzendari berria izendatu dute Itziar Aranguiz


2006-01-16 10:33



BILBO, 16 (EUROPA PRESS)

Itziar Aranguiz Basterrechea da Euskal Herriko Unibertsitateko Meatze Ingeniaritza Teknikoko Unibertsitate Eskolako zuzendari berria. EHUko Kimika Zientzietan doktorea da eta gainera, Unibertsitate Eskola horretan dagoen Ingeniaritza Kimikoa eta Ingurumenaren Ingeniaritza saileko katedraduna da.

EHUk komunikatu batean aditzera eman duenaren arabera, bere irakaslana Meatze Ingeniaritza Teknikoko Unibertsitate Eskolan bertan egin du, zeinetan irakasle moduan kontratatu zen lehenengo emakumea izan zen. Ikerketa proiektu eta lan aplikatu ugaritan jardun du, erakunde publiko nahiz pribaturentzat.

Era berean, hezkuntza berritzeko proiektuetan hartu du parte. Gainera, Meatze Ingeniaritza Teknikoko Unibertsitate Eskolaren bizitza akademikoan parte hartze handia izan du. Izan ere, Eskolako Batzarreko eta Eskolako Euskara Batzordeko, Irakasleen Batzordeko eta Irakasleen Ebaluaziorako Batzordeko kide hautatua izan da, besteak beste.

Horrez gain, Unibertsitateko klaustrokidea ere izan da. Itziar Aranguizek Cristina Avilés ordezten du (1999tik Eskolako zuzendaria izan dena, hain zuzen ere). Meatze Ingeniaritza Teknikoko Unibertsitate Eskolak arestian lortu zuen ISO 9001:2000 kalitate ziurtagiria ikasleek enpresetan egiten dituzten praktiken gestioagatik.

Eskola hau 1913an sortu zen Bilbon eta gaur egun lau titulazio eskaintzen ditu: Meatze ingeniari teknikoa, espezialitatea: Meatze Ustiaketa; Meatze ingeniari teknikoa, espezialitatea: Mineralurgia eta Metalurgia; Meatze ingeniari teknikoa, espezialitatea: Energia Baliabideak, Erregaiak eta Lehergaiak; Herri lanetako ingeniari teknikoa, espezialitatea: Eraikuntza Zibilak. Ikasturte honetan 770 ikasle daude matrikulaturik eskolan.


162 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin