Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EHUko Limes Bildumak eta Irungo Institutuak Pio Barojari buruzko erakusketa bat antolatu dute


2006-11-08 10:47

DONOSTIA, 8 (EUROPA PRESS)

Euskal Herriko Unibertsitateko (EHU) Limes Bildumak eta Irungo Pio Baroja Institutuak idatzaile donostiarraren idazlanak eta berari buruzko beste dokumentuak osatzen duten erakusketa bat zabalduko dute

bihar, goizeko 10,00etan, Filosofia eta Hezkuntza Zientziako Fakultatean. Erakusketa, Pio Barojaren heriotzaren 50. urteurrena ospatzeko antolatu da, EHUko iturriek gaur adierazi dutenez.

Ekitaldian izango dira Pio Caro Baroja (idazlearen loba), Begoña Asua Filosofia eta Hezkuntza Zientziako Fakultateko dekanoa, Esteban Antxustegi Limes Bildumako arduraduna eta Koldo Ortega Irungo Pio Baroja Institutuko zuzendaria.

Erakusketa azaroaren 17a arte izango da ikusgai eta bi ataletan zatituta dago: alde batetik, Barojaren hainbat irakurlek bere lanei buruzko ikuspuntuak, iritziak eta sentimenduak biltzen dituen iragarki-ohol bat erakusten da; bestalde, unibertsitateko liburutegiko fondoetan dauden 357 dokumentuak (bai inprimatuak bai ikus-entzutekoak) daude ikusgai. Fondo honetan Barojaren liburuen edizio zaharrak daude --haietariko batzuk ezin dira merkatuan aurkitu--, bai eta tesiak, saioak eta Pio Baroja izenburua edo gaia bezala erreferentziatuta agertzen den hainbat lanak.

Horrez gain, Modern Language Association of America erakundeak (MLA), literatura, linguistika eta folkloreari buruzko 3.000 aldizkari baino gehiago aztertzen dituen datu-basean dauden Pio Barojari buruzko 194 artikuluak biltzen dituen katalogo bat ere erakusten da.

Filosofia eta Hezkuntza Zientziako Fakultateko gradu aretoan eskainiko diren bi hitzaldik osatuko dute ekitaldia. Ostegunean bertan, goizeko 11,30etan, Virginia Careaga Gaur Egungo Filosofiako irakasle eta Donostiako Tabula Rasa argitaletxearen arduradunak, De este arbol no comeras izeneko mintzaldia emango du, eta ostiralean, ordu eta leku berean, Murtziako Unibertsitateko Filosofia Morala eta Politikoan katedraduna den Jose Luis Villacañasek Pio Barojari buruzko hausnarketa bat egingo du Meditaciones sobre Pio Baroja izeneko hitzaldian.


217 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin