Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EHUk bere titulazio guztiei buruzko informazioa emateko jardunaldia egingo du bihar Donostiako campusean


2009-02-06 16:57

DONOSTIA, 6 (EUROPA PRESS)

Araba eta Bizkaiko campusetan izan ostean, Euskal Herriko Unibertsitateak (EHU) unibertsitate-orientaziorako jardunaldia antolatu du Donostiako campusean, eskaintzen dituen titulazio guztiei buruzko informazioa emateko. Topaketa bihar izango da, Ignacio Maria Barriola eraikinean, EHUko iturriek jakinarazi dutenez.

Unibertsitate-aurreko ikasleen zalantza guztiak argitu eta ikasketen aukeraketa egiten laguntzeko helburua du jardunaldiak. Horrela, zalantzak modu pertsonalizatuan eta informazio-saio kolektiboen bidez argituko dira.

EHUko unibertsitate-ikastegi guztietako zenbait irakaslek eta Unibertsitate Orientaziorako Zerbitzuak hartuko dute parte jardunaldian. Jarduera irekia izango da, 9:30etatik eta 14:00etara bitartean, eta unibertsitateko zenbait ikastegik eskaintzen dituzten titulazioei buruzko informazio-saio kolektiboak emango dituzte.

Unibertsitate Orientaziorako Jardunaldiak EHUk urterik urtera Sarbiderako Programaren barruan burutu ohi dituen jardueren barruan kokatzen dira, unibertsitate-aurreko ikasleek ikasketak aukeratu baino lehen ahalik eta informaziorik zabalena izan dezaten.

Hori da, hain zuzen ere, programaren bigarren fasea, izan ere, azken hilabeteotan, lehenengo fasearen barruan, Euskal Autonomia Erkidegoko eskualdeetan barrena informazio-saioak egin baitziren, ikasleekin eta beren gurasoekin lehendabiziko harremana izateko helburuarekin. Programa martxoan egingo diren Ateak Irekitzeko Jardunaldiekin bukatuko da.

Ekintza eta programa hauen guztien helburua EHUk duen eskaintza akademiko zabala zein ikasleek erabili ditzaketen zerbitzuak aurkeztea da, bai eta, aldi berean, unibertsitatera sartzeko jarraibideen berri ematea ere.


168 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin