Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EHUk bere 25. urteurrena bukatuko du urte guzti horiek lanean eman dituen pertsonala omentzeko ekitaldi batekin


2006-02-22 12:58



BILBO, 22 (EUROPA PRESS)

Euskal Herriko Unibertsitateak bere sorreraren 25. urteurrena ospatzeko antolatu dituen jardueretatik azkena egingo da bihar ostegunez, otsailak 23, arrrtsaldeko 18,30etan Bilboko Euskalduna Jauregian.

EHUko iturriek igorritako prentsa-ohar baten arabera, Eman ta zabal zazu. 25 urte izeneko ekitaldi honetan Unibertsitateak bere esker ona agertuko die 25 urte edo gehiago daramaten langile guztiei, egindako lanarengatik, eta Eman ta zabal zazu.

EHUren historia 1980-2005 Unibertsitatearen historia azaltzen duen liburua aurkeztuko du. EHUn lanean 25 urte edo gehiago eman dituzten irakasle eta Administrazio eta Zerbitzuetako langile askok parte hartuko dute ekitaldian.

Urtean zehar EHUk urteurrena ospatu du, 1980ko otsailaren 25ean Euskal Herriko Unibertsitateak bere izate osoa lortu baitzuen, hamar urte pasatxoan Bilboko Unibertsitatearen izenpean jardun eta gero, nahiz eta 1977az geroztik euskal unibertsitate barruti osoa hartzen zuen bere baitan. Izen aldaketa baino gehiago, aspaldiko proiektu baten gauzapena izan zen: 1936an sortutako eta Gerra Zibilaren oldarrak handik gutxira desagertarazitako Euskal Unibertsitatearena.

EHUren urteurrena ospatzeko prestatutako ekitaldiak 25 urte bete zituen egunean hasi ziren Artaza Jauregian gizarteari egindako harrerarekin (2005eko otsailak 25). Ondoren Maria Bayok Kursaal Jauregian eskaini zuen kontzertua, (2005eko apirilak 28); Nautika Hamabostaldia (2005eko urriaren 17tik 31ra arte) eta Artium museoan egin zen 25 urte, 25 artelan erakusketa (2005eko azaroaren 16tik 2006ko urtarrilaren 8ra arte) egon ziren, besteak beste.


114 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin