Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EHU Iberoamerikako zientzia-produkziorik handienetako lehenengo 20 zentroen artean dago, sailkapen baten arabera


2006-10-11 11:49

BILBO, 11 (EUROPA PRESS)

Euskal Herriko Unibertsitatea (EHU) Iberoamerikako herrialdeetan zientzia-produkziorik handienetakoa da. Izan ere, Iberoamerika komunitateko ikerketa zentroen artean 16. postuan dago, eta Estatu espainiarrekoen artean, bederatzigarrenean, EHUko iturriek gaur jakinarazi dutenez.

Besteak beste, ondorio horretara heldu da SCImago Research Group taldeak prestatu duen sailkapena. Estatu espainiarreko unibertsitate batzuetako ikertzaileek osatzen dute talde hori, eta zientzia-produkzioaren adierazleak aztertzen aritzen da.

Azterketa hau egiteko, 1990-2004 bitartean Thomson Scientific (ISI) izenekoaren datu-basean indexatutako argitalpenetan zientziari buruzko 100 artikulutik gora argitaratu dituzten 621 erakundeak hautatu dira. Datu-base horri esker, zientziaren alorreko milaka aldizkari biltzen dituenez, gehien aipatu diren artikuluak identifika daitezke, bai eta aipamenaren iturria ere.

Gainera, haren bitartez, indexatzen duen aldizkari bakoitzak nolako eragina duen, hau da, beste aldizkariek zenbatetan aipatzen duten jakin daiteke, eta, beraz, zientziaren eremuko komunitatean nola balioetsi den. Unibertsitate eta ikerketa zentroetako zientzia-produkzioaren mailak aztertzeko ISIren adierazle bibliometrikoak erabiltzen dira mundu guztian.

SCImago Research Group taldeak prestatutako zerrendaren arabera, unibertsitate eta ikerketa zentroei dagokienez, 1990-2004 urte bitartean produkzio orokorreko adierazlean, Madril, Sao Paulo, Bartzelona, Mexiko Hiria, Buenos Aires, Valentzia, Rio de Janeiro, Santiago edota Granada daude.

Estatu espainiarreko unibertsitateak eta ikerketa zentroak besterik aztertzen ez badira, eremu honetako argitalpenetan erakunde produktiboenak dira Ikerketa Zientifikoen Goi Kontseilua, Bartzelonako Unibertsitatea, Madrilgo Unibertsitate Konplutentsea,

Bartzelonako Unibertsitate Autonomoa, Valentziako Unibertsitatea, Madrilgo Unibertsitate Autonomoa, Santiagoko Unibertsitatea, Granadako Unibertsitatea, Euskal Herriko Unibertsitatea eta Bartzelonako Ospitale Kliniko eta Probintziala.

SCImago Research Group taldeak --Granadako Unibertsitateko Felix de Moya Anegon irakasleak zuzendua-- egindako lana berriki aurkeztu da Granadako Unibertsitateko Mediterraneoko Ikastegian, Kalitatea Ebaluatzeko Espainiako Agentziak antolatutako ebaluazioari buruzko ikastaro baten barruan. Bertan, arlo honetako Iberoamerikako adituek parte hartu dute. Orain aurkezten den sailkapena, 1998tik taldearen lanaren ardatza den Zientziaren Atlasa proiektuaren zati bat da.


160 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin