Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Efemérides de Bilbao liburuak hiriburu bizkaitarraren historia berrikusiko du datarik esanguratsuenen bidez


2006-01-24 17:56

Alberto Lopez Echevarrieta da egilea eta 416 orriko lan hau BBK Fundazioak zein Euskera eta Kultura sailak argitaratua dator

BILBO, 24 (EUROPA PRESS)

Bilbok dagoeneko badu bere historian zehar jazotako gertakari garrantzitsuenak berrikusten dituen liburua zeren Efemérides de Bilbao (La historia de Bilbao en fechas) lan berriak hiriburu bizkaitarra berrikusiko du datarik esanguratsuenekin abiaturik.

Udal bilbotarrak komunikatu batean adierazten duenaren arabera, Alberto Lopez Echevarrieta izango da egilea eta 416 orriko lana da, Bilboko Udaleko Kultura eta Euskara Sailak eta BBK Fundazioak argitaratu dutelarik.

Kultura, kirola eta politika mailan izandako gertakari multzoa biltzen da Efemérides de Bilbao argitalpenean, egileak urteetan zehar tokiko hainbat egunkarien, eta Euskadi, Bizkaia eta Bilboko historiari buruzko liburuen laguntzarekin bildutakoak.

Lan honetako efemerideetatik gehienak tokikoak izan arren, oihartzun handia izandako gertakariak ere jasotzen dira liburuan: Hitlerrek eta Francok Hendaian egindako bilera (1940ko urriaren 23a), Picassoren Guernica Espainiar Gobernuari eman izana (1980ko irailaren 29a), John Lennon Beatle ohiaren erailketa (1980ko abenduaren 8a), Neil Armstrong ilargira heldu zen eguna (1969ko uztailaren 20a), Arthur Miller dramaturgoaren Pulitzer Saria (1949ko maiatzaren 2a), Julio Cortazar argentinar idazlearen heriotza Parisen (1984ko otsailaren 12a) edo pezetaren desagerpena eta euroaren jaiotza (2002ko urtarrilaren 1a).

Kultura mailan izandako gertakari nabarmenen artean Bilboko zine-aretoetan bizi izan diren estreinaldiak ageri dira, dagoeneko existitzen ez diren zenbait zine-aretok hartutako film historikoen estreinaldiak kasu askotan. El puente sobre el río Kway filma Kapitol zineman estreinatu izana, adibidez, gertakari paregabea izan zen (1958ko abenduaren 8a).

My fair lady filmak Olimpia zineman izandako arrakasta izugarria ere gogoratzen du lan honek (1965ko abenduaren 7a) eta Buenos Aires antzokiak hartutako Con faldas y a lo loco filmaren emanaldian dibertsioa izan zela nagusi gogoratzen da bertan (3 de noviembre de 1963).

Ciudadano Kane, Sissi, Siete novias para siete hermanos, Sonrisas y lágrimas, Psicosis edo Ben-hur bezalako beste film batzuen estreinaldiak ere aipatzen dira liburuan. Era berean, eta kultura atalaren barruan, orain gutxi Bilbon izandako musika emanaldi mitiko batzuen aipamena egiten da, New Orleans Jazz Band gidatuz Woody Allenek emandakoa, adibidez (2004ko abenduaren 29a), Van Morrisonena (1992ko uztailaren 3a), Rolling Stones taldearena edo Maria Callas sopranoarena (1959ko irailaren 17a), besteak beste.

KULTURAZ GAIN

Kulturari lotutako beste data esanguratsuen artean ondokoak ere aipa daitezke: Deustuko Unibertsitatea (1886ko azaroaren 13a) , Guggenheim Museoa (1997ko urriaren 18a), Sheraton Hotela (2004ko uztailaren 7a), edo Bilboko El Corte Inglés-aren (1969ko maiatzaren 24a) inaugurazioak, Jose Miguel Barandiaranen heriotza (1991ko abenduaren 21a), Orixe (1888ko abenduaren 5a) eta Txillardegiren (1929ko azaroaren 27a) jaiotza egunak, lehenengo Aste Nagusiaren ospakizuna (1978ko abuztuaren 18a), Euskaltzaindiaren onarpena (1976ko otsailaren 21a) edo Resurrección Maria de Azkuek euskararen lehenengo katedra lortu izana (Bizkaiko Foru Aldundiak emandakoa), Miguel de Unamunorekin lehiatuz (1888ko ekainaren 8a).

Bestalde, argitalpen honek ezin ahaztu zitzakeen Uriaren historiak oinarri dituen gertakarietako batzuk: Errege Katolikoek Bilbori Uri Noblearen titulua eman izana (1497ko irailaren 20a), Bizkaiko Zubiaren inaugurazioa (1893ko uztailaren 28a), Bizkaiko Labe Garaiak sozietatearen fundazioa (1882ko abenduaren 5a), Juan Sebastian Elkanoren heriotza Ozeano Barean (1526ko abuztuaren 4a), Isabel Katolikoak Portugaletera egindako bisitaldia (1483ko irailaren 8a), Artxandako Funikularraren inaugurazioa (1915 abenduaren 7a) edo Oiz Mendiko ezbeharra (1985ko otsailaren 19a).

Bankuen sorrera datak, Bilboko kaleei izena eman dieten pertsonaia historikoen jaiotzak eta heriotzak, komunikabide batzuen abiaraztea eta itxiera, garrantzi handiko urbanizazio proiektuak eta anekdota bitxiak ere aipatzen dira.


418 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin