Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Edari bat 50 euroko billete faltsu batekin ordaintzen saiatu den 24 urteko gizon bat atxilotu dute Gasteizen


2009-01-28 12:10

GASTEIZ, 28 (EUROPA PRESS)

Ertzaintzaren agenteek 24 urteko gizon bat atxilotu zuten atzo gauean Gasteizen, ustez moneta faltsutzearen delitu bat egin izana egotzita. Atxilotuak eta beste gizon batek 50 euroko bi billete faltsu erabili zituzten taberna batean edari bana ordaintzeko, Eusko Jaurlaritzako Herrizaingo Saileko iturriek gaur jakinarazi dutenez.

Gauerdia izateko minutu gutxi falta zirenean, Lakua-Sansomendi auzoko ostalaritza lokal batetik ertzainak bidaltzeko eskatu zuten, bi gizonezkok bi edari diru faltsuarekin ordaindu eta alde egin baitzuten. Patruila batek susmagarriak ikusi zituen inguruetan eta, agenteak zeudela ohartu zirenean, bi gizonezkoak korrika hasi ziren, baina ertzainek horietako bat atzematea lortu zuten. Aipatutako lokalean bi billete faltsurekin ordaindu zutela egiaztatu zutenean, agenteek susmagarria atxilotu zuten.

Atxilotua epailearen esku jarriko dute gaur, eta Ertzaintza gertakarietan nahasita dagoen beste gizonezkoa identifikatzen saiatzen ari da.

Bestalde, atzoko 22:30ak aldera, 19 urteko gazte bat atxilotu zuten Gasteizko Koroatze auzoko denda batean lapurtzen harrapatu ostean. Pertsona batek Ertzaintza ohartarazi zuen eta, patruila bat bertaratu zenean, ustezko lapurra sarrera atean hautsita zegoen kristal batetik ihes egiten saiatu zen.

Gazteak sakeleko telefono bat zeraman, saltokian lapurtu berri zuena alegia; gainera, dendako hainbat gela nahasita zeuden. Datozen orduetan, polizia eginbideak burutu ostean, epailearen esku jarriko dute.


284 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin