Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EAEn 769 auto-istripu izan ziren joan den uztailean, aurreko urteko hil berean baino %27,5 gutxiago


2006-08-02 12:56

Errepideetako heriotzak %25 jaitsi dira puntuen gidabaimena abian jarri denetik, iazko uztaileko zortzitik aurtengo seira igaroz

BILBO, 2 (EUROPA PRESS)

Euskal Autonomia Erkidegoan (EAE) 769 auto-istripu izan ziren joan den uztailean, puntuen gidabaimena martxan jarri ondoren, eta %27,5eko jaitsiera izan da aurreko urteko hil berarekin alderatuz, orduan 1.061 istripu izan baitziren. Gainera, errepidean izandako heriotzak %25 murriztu ziren, 2005eko uztaileko zortzi heriotzetatik aurtengo hil berean izandako seietara jaitsiz, Eusko Jaurlaritzako Herrizaingo Sailak emandako datuen arabera.

Uztailaren 1ean puntuen gidabaimena abian jarri zenetik izandako istripuetako 226 biktimekin gertatu ziren, eta gainontzekoak, 543, biktimarik gabe; iaz, aldiz, 364 istriputan biktimak izan ziren eta 697tan ez.

2005ko uztailean, zortzi hildako, 57 zauritu larri eta 495 zauritu arin izan ziren; aurtengo uztailean, aldiz, sei hildako, 35 zauritu larri eta 291 zauritu arin izan dira.

LURRALDEAK

Joan den uztailean zehar 123 auto-istripu izan ziren Araban, 2005ko hil berean baino %15,8 gutxiago; Bizkaian 298 zenbatu ziren, iazkoan baino %27,7 gutxiago; Gipuzkoan, azkenik, 348 auto-istripu izan ziren (%30,8 gutxiago).

Biktimak izan zituzten istripuak 34 izan ziren Araban joan den uztailean (%27,7 gutxiago), 104 Bizkaian (%-40,2) eta 88 Gipuzkoan (%-38,5). Biktimarik gabeko istripuak, berriz, 89 izan ziren Araban (%-10,1), 194 Bizkaian (%-18,5) eta 260 Gipuzkoan (%-27,8).

Joan den uztailean zehar bi hildako izan ziren Araban (2005ean ez zen hildakorik izan), bederatzi zauritu larri (%-25) eta 38 arin (%-46,5); Bizkaian hiru hildako izan ziren (%+50), 11 zauritu larri (%-52,2) eta 143 zauritu arin (%-41,9); azkenik, Gipuzkoan hildako bat zenbatu da (%-83,3), 15 zauritu larri izan dira (%-31,8) eta 110 arin (%-38,2).


120 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin