Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EAEn 4.128 heriotza izan dira 2006ko bigarren hiruhilekoan, aurreko urtekoan baino %5,6 gutxiago


2006-12-20 13:19

BILBO, 20 (EUROPA PRESS)



Euskal Autonomia Erkidegoan (EAE) 4.128 heriotza izan ziren 2006ko bigarren hiruhilekoan, hau da, aurreko urteko aldi berean baino %5,6 gutxiago. Lurraldez lurralde, Araban 490 lagun hil ziren, Bizkaian 2.268, eta Gipuzkoan 1.370, Eustatek gaur emandako datuen arabera.

Heriotzen kausa nagusia tumoreak izan ziren: tumoreengatik 1.285 pertsona hil ziren (%31,1). Heriotzen bigarren kausa nagusia zirkulazio-sistemako gaixotasunak izan ziren eta 1.256 pertsonen heriotza eragin zuten (%30,4). Hirugarren tokian arnas-aparatuko gaixotasunak daude; 365 heriotza eragin zituzten (%8,8).

Heriotzen kausak ez ziren berdinak izan sexu batean eta bestean: gizonezkoen artean, tumoreak (%38,4) hilgarriago gertatu ziren zirkulazio-aparatuko gaixotasunak (%25,8) baino; emakumezkoen artean, berriz, heriotza-kausa nagusia gaixotasun kardiobaskularrak (%35,6) izan ziren, eta tumoreak (%23) bigarren.

2006ko bigarren hiruhilekoan izandako heriotzen artean, 22 heriotza urtebetetik beheragoko umeei egokitu zitzaien: 6 mutikori eta 16 neskatori.

EAEko 2006ko bigarren hiruhilekoaren hazkunde begetatiboa positiboa izan zen eta 858 biztanle irabazi ziren. Saldoak positiboak izan ziren hiru lurraldeetan: Araban 246koa, Bizkaian 268koa eta Gipuzkoan 344koa.


135 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin