Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EAEn 26.055 langabetu gehiago egon dira 2008. urtean, kopurua osoa 100.637 langabetura iritsiz


2009-01-08 12:05

BILBO, 8 (EUROPA PRESS)

Euskal Autonomia Erkidegoko (EAE) Inem erakundearen bulegoetan erregistraturiko langabetuen kopurua 260.55 lagunetan igo zen 2008. urtean (%34,93) eta, modu horretan, langabetuen kopuru osoa 100.637 pertsonatan kokatu zen bukatu berri den urtean.

Urteko azken hilean 5.899 langabetu gehiago zenbatu ziren EAEn (%6,23), azaroarekin alderatuta, Espainiako Gobernuko Lan eta Immigrazio Sailak gaur jakinarazi dituen datuen arabera.

Lurralde historikoka, Bizkaian 14.419 langabetu gehiago izan dira, igoera %35,04koa izanik; Gipuzkoan, 7.127 langabetu gehiago zenbatu dira (%31,08); Araban langabetuen hazkundea 4.509 lagunekoa izan da (%42,95). Bilakaera horiekin, 2008 bukatzean, 55.570 langabetu zeuden Bizkaian, 30.059 Gipuzkoan eta 15.008 Araban.

Abenduko langabezia 3.232 lagunetan igo zen Bizkaian azaroarekin alderatuta, hazkundea %6,18koa izanik; Gipuzkoan, 1.701 langabetu gehiago zenbatu ziren abenduan (%6) eta Araban igoera 966 lagunekoa izan zen (%6,88).

2008. urtea bukatzean Euskal Autonomia Erkidegoan erregistraturiko 100.637 langabetuetatik, 48.694 gizonezkoak ziren eta 51.943 emakumezkoak. Gainera, langabetu guztietatik 9.275 lagunek 25 urtetik behera zuten.

Sektoreei dagokienez, Zerbitzuetan zegoen langabetuen kopururik altuena (62.466 langabetu). Industrian 18.929 langabetu zenbatu ziren, Eraikuntzan 12.541, Aurreko enplegurik gabeko kolektiboan 5.600 eta Nekazaritzan 1.111.

Halaber, abenduan, eta azaroarekin alderatuta, Eraikuntzan 2.109 langabetu gehiago zeuden, Industrian 2.095 gehiago eta Nekazaritzan beste 134. Zerbitzuen sektorean 1.724 langabetu gehiago zenbatu ziren abenduan, eta Aurreko enplegurik gabeko kolektiboan 163 gutxiago.

Kontratazioari dagokionez, 2008an egindako kontratu guztiak 822.863 izan ziren; horietatik 71.194 mugagabeak izan ziren (%8,65) eta gainontzekoak, 751.669 kontratu (%91,35), aldi baterakoak.

Abenduan 56.376 kontratu egin ziren, azaroan baino 2.322 gutxiago (%-13,96). 2007ko abenduarekin alderatzen bada, 5.673 kontratu gutxiago egin ziren joan den abenduan (%-9,14). 2008ko abenduan eginiko 56.376 kontratuetatik 4.147, mugagabeak izan ziren, eta 52.229, aldi baterakoak.

Kontratu mugagabeak (4.174) %7,68 jaitsi ziren azaroarekin alderatuz eta %16,56 aurreko urteko abenduarekin konparatuta. Bestalde, aldi baterako kontratuek (52.229) %3,65eko jaitsiera izan zuten azaroaren parekatzen badira eta %8,50ekoa 2007ko hilabete berarekin alderatuta.


302 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin