Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EAEn 188.217 bidaiari-sarrera izan ziren joan den urrian, aurreko urtekoan baino %12 gehiago


2006-11-22 10:57

BILBO, 22 (EUROPA PRESS)

Euskal Autonomia Erkidegoan (EAE) 188.217 bidaiari-sarrera egon ziren joan den urrian, hau da, aurreko urteko hil berean baino ia 20.000 sarrera gehiago, eta, horrenbestez, %12ko gehikuntza izan da. Bidaiari-sarrerak hiru lurraldeetan gehitu ziren 2005eko urriko datuekin alderatuta: Araban %13 gehitu ziren, Bizkaian %12 eta Gipuzkoan %10, Eustaten datuen arabera.

Estatuko bidaiarien sarrerak %11 gehitu ziren eta atzerritik etorritako bidaiarienak, %13. Estatuko bidaiari-kopuruak hiru lurraldeetan egin zuen gora: Araban %13, Bizkaian %17 eta Gipuzkoan %4. Atzerriko bidaiarien kopuruak, aldiz, Araban (%10) eta Bizkaian (%31) egin zuen gora, baina Gipuzkoan %3 jaitsi egin zen.

Estatutik etorritako bidaiarien artean, besteak beste, Kantabria, Katalunia, Andaluzia, Aragoi eta Asturiastik etorritakoen kopurua gehitu zen, baina Errioxatik, Gaztela-Mantxatik eta Valentziako Erkidegotik etorritakoen kopurua gutxitu egin zen. Atzerritarren artean gehitu egin zen Frantziatik, Holandatik, AEBtik, Kanadatik, Portugaldik eta Iberoamerikatik etorri diren bidaiarien kopurua; aitzitik, gutxitu egin zen, besteak beste, Alemania, Italia eta Belgikatik etorritakoena.

Joan den urrian, 366.315 gau igaro zituzten bidaiariek, hau da, aurreko urteko urriaren aldean gaua igaro zutenen kopurua %16 gehitu zen, guztira 50.000 gau baino gehiago igaro baitzituzten. Gaualdiek urte arteko bilakaera positiboa izan zuten EAEko hiru lurraldeetan: Bizkaian %24 igo ziren, Araban %10 eta Gipuzkoan %9.

Bestalde, batez besteko egonaldiaren iraupena %4 igo zen joan den urrian Euskal Autonomia Erkidego osoan, eta 1,88 egunetik 1,95 egunera luzatu zen.

Plazen okupazioa %4 igo zen eta logelen okupazio-mailak ere gora egin zuen, %2 hain zuzen ere, 2005eko urriaren aldean. Plazen okupazio-maila %49,86tik %51,91ra igo zen, eta logelen okupazio-maila ere igo egin zen, %61,94tik %63,24ra. Gehikuntza hori batez ere Bizkaian gertatu zen.

LANDA-TURISMOA

Urrian 8.898 bidaiari-sarrera izan ziren EAEko landa-turismoko establezimenduetan, aurreko urteko hilabete berean baino %1 gutxiago, alegia. Bidaiari-sarrerak %2 gehitu ziren Bizkaian, baina Gipuzkoan %3 eta Araban %1 gutxitu ziren. Euskal Autonomia Erkidegoan Estatuko %2 bidaiari gehiago izan zen, baina atzerriko %30 bidaiari gutxiago.

Joan den urrian, guztira, 23.820 gau igaro ziren Euskal Autonomia Erkidegoko landa-turismoko etxeetan. Beraz, aurreko urteko hil beraren aldean %13 gehitu zen gau-kopurua. Urte arteko hazkunde-tasak positiboak izan ziren hiru lurraldeetan: Araban (%8), Bizkaian (%25) eta Gipuzkoan (%7).

Bidaiari bakoitzaren batez besteko egonaldiak luzatu egin ziren; iaz 2,35 egun izan ziren eta aurtengo urrian 2,68. Plazen okupazio-mailak bere horretan jarraitu zuen eta logelen okupazio-maila %7 hobetu zen.


98 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin