Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EAEn 1.093 ezkontza zibil egin dira urtarriletik apirilera, iazko aldi berean baino %9,6 gehiago


2006-09-15 12:05

Ezkontideen adinaren joerak goranzkoa izaten jarraitzen du, gazteenak gutxiago ezkonzten diren artean

BILBO, 15 (EUROPA PRESS)

Euskal Autonomia Erkidegoan (EAE) ezkontzen kopurua 2006ko lehen hiruhilekoan 1.093 izan zen. Hau da, 2005eko laugarren hiruhilekoan egin ziren 1.996 ezkontzen erdia baino gehixeago, eta 2005eko lehen hiruhilekoan eginikoak baino %9,6 gehiago.

Eustaten Ezkontzen Estatistika inkestaren datuen arabera, urteko lehen hiruhilekoan ezkontza gutxi izan ohi dira, batez ere urtarrilean eta otsailean.

Aurreko urteetan gertatu denez, hiruhileko honetan ezkontza zibilen proportzioa handiagoa izan da (%78,6), ezkontza erlijiosoen kopurua gaindituz eta aurreko urteko denboraldi bereko ezkontza zibilen portzentajea bost puntutan gaindituz.

Bizkaia eta Gipuzkoan ehuneko 7,5 eta 4,5 puntu igo dira 2005eko hiruhileko berdinaren aldean: %81,2 eta %75,7 izan dira beraz, hurrenez hurren. Araban, berriz, jaitsiera txikia gertatu da. Halere, ezkontza zibilen proportziorik handiena duen lurraldea da (%81,8).

2006ko lehen hiruhilekoko 1.093 ezkontzen artean, Euskal Autonomia Erkidegoko egoiliar ziren 1.058 gizon eta 1.070 emakume ezkondu ziren. 932 senar-emazte (%88,1) lehenengo aldiz ezkondu ziren eta, bestalde, 12 alargun eta 114 dibortziatu berriz ezkondu ziren.

Lehen aldiz ezkondu ziren emakumeen portzentajea gizonezkoenaren antzekoa izan zen: aurretik ezkongabe ziren emakume ezkontideak 940 izan ziren, alargunak 10 eta dibortziatuak 120.

Ezkontzetan, ezkontideen adinaren arabera aztertzen baditugu, senargaien %79,3ak 30 urtetik gora zuen; emaztegaien artean, berriz, %65,7a zen 30 urte baino zaharrago. Proportzio hauek 2005. urtekoak baino altuago dira (%71 eta %54, hurrenez hurren).

Azken horrek ezkontzeko adina duten biztanleen adina goranzko joeran mantentzen du beste hiruhileko batez, gazteenak gutxiago ezkonzten diren artean. Informazio gehiago, taula, grafiko eta guzti, Euskal Estatistika Erakundearen Interneteko www.eustat.es helbidean aurki daiteke.


229 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin