Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EAEko merkataritza sektoreko salmentak %8,9 jaitsi ziren iazko azken hiruhilekoan, urte osoko murrizketa %0,1ekoa izanik


2009-02-12 10:33

BILBO, 12 (EUROPA PRESS)

Euskal Autonomia erkidegoko (EAE) Barne Merkataritzaren Indizeak %8,9eko urte arteko jaitsiera nominala izan zuen 2008ko laugarren hiruhilekoan, aurreko urteko aldi beraren aldean eta lan egutegi homogeneoan. Modu honetan, 2008ko murrizketa %0,1ekoa izan zen, Eustatek landu dituen datuen arabera.

Bestalde, prezioen igoeraren eragina kenduta, merkataritza sektoreko salmenten jaitsiera erreala %11koa izan zen joan den urteko laugarren hiruhilekoan.

Aurreko hiruhilekoaren aldean, desestazionalizatutako salmentek hiruhilekoen arteko %7,5eko jaitsiera izan zuten termino nominaletan, eta %5,6koa finkoetan.

Halaber, handizkako merkataritzaren sektorean, %12,1 jaitsi ziren urte arteko salmentak, eta txikizkakoan, aldiz, %3,9, 2008ko laugarren hiruhilekoan.

Handizkako sektorean, Produktu erdi-landuak eta txatarra (%-19,2) eta Makineria eta ekipoa (%-12,7) alorren salmenta nominalak nabarmendu ziren izandako jaitsieragatik, biak ere industri sektoreko bilakaera negatiboak baldintzatuta. Elikaduraz besteko kontsumo-gaien salmenta nominalak %7,1 jaitsi ziren eta Nekazaritza-gaien eta eikadura-gaienak, %3,5.

Espezializatutako txikizkako sektoreak %4,6ko jaitsiera izan zuen iazko azken hiruhilekoan. Jaitsierarik handienak Etxeko ekipamenduan (%-6,7) izan ziren; Kontsumoko beste ondasunek %5,2ko jaitsiera izan zuten; Elikadurak %2,3koa eta Pertsonaren ekipamenduan %2,4koa, termino nominaletan.

Bestalde, 2008ko laugarren hiruhilekoan, txikizkako merkataritza ez-espezializatuaren salmentak %2,2 jaitsi ziren, termino nominaletan; elikagaiak nagusi ez direnen salmentak %6,6 jaitsi ziren, eta elikagaiak nagusi diren merkataritza ez-espezializatuarenak, %1,3.

Iazko laugarren hiruhilekoan, Barne Merkataritzaren Indizeak aldakuntza nominal negatiboak izan zituen EAEko hiru lurraldeetan: %-7,7 Bizkaian, %-8,1 Gipuzkoan eta %-14,2 Araban. Termino errealetan ere, hiru lurraldeetan murrizketak izan ziren: Araban %-16,8; Gipuzkoan %-10,3 eta Bizkaian %-9,8.

EAEko merkataritza sektoreko langileen kopurua %1 gutxitu zen 2008ko laugarren hiruhilekoan, aurreko hiruhilekoaren aldean. Hiruhilekoen arteko jaitsierak izan ziren hiru herrialdeetan: Araban eta Bizkaian %1 jaitsi zen, eta Gipuzkoan %0,9, aurreko hiruhilekoaren aldean.

2008KO BALANTZEA

Bestalde, 2008. urte osoan, EAEko barne merkataritzako salmentek %0,1eko jaitsiera nominala izan zuten joan den urtekoaren aldean. Prezioen igoeraren eragina kendu eta zifra nominalak zifra erreal bihurtuz gero, Barne Merkataritzako Indizea %3,9 murriztu zen 2008an.

Lurraldeen arabera, eta urte osoa kontuan hartuta, hazkunde nominal handiena Gipuzkoan gertatu zen, %0,9ko hazkunde-tasarekin; Bizkaian %0,4koa izan zen; Araban, berriz, jaitsiera gertatu zen, %3,2koa. Balio finkoetan, Gipuzkoan %-3,1koa indizea izan zen, Bizkaia %-3,2koa eta Araban %-7,6koa.

Merkataritzako sektorean enplegatuak %0,2 hazi ziren 2008an EAEn. Araban ez zen aldaketarik izan (%0,0); Bizkaian %0,6 hazi ziren eta Gipuzkoan %0,4 jaitsi.


321 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin