Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EAEko industriako prezioek urtarrilan %1,1eko hazkundea izan zuten eta urte arteko igoera %4koa izan zen


2006-02-24 11:29



BILBO, 24 (EUROPA PRESS)

Euskal Autonomia Erkidegoko industriako prezioek %1,1ko hazkundea izan zuten 2006ko urtarrilean. Datu horien arabera, gainera, azken hamabi hilabeteetako industriako prezioen aldaketa jaso duen urtarrileko urte arteko tasak %4,0ko hazkundea izan zuen, Eustat-ek gaur argitutako datuen arabera.



Sektore-azterketa xehekatuenak erakutsi bezala 2006ko urtarrilean, eta aurreko hilabetearen aldean, hauexek izan ziren inflazio handiena izan zuten adarrak: mineral metaliko eta ez metalikoak (%6,0), energia elektrikoa, gasa eta ura (%5,6), petrolioaren birfinketa (%3,4), ehungintza eta joskintza (%2,1) eta elikaduraren industria (%1,8). Aitzitik, garraio-materiala (%-2,8) eta material elektrikoa (%-0,5) izeneko sektoreen prezioek behera egin zuten.



Izan ere, 2005eko urtarriletik 2006ko urtarrilera arteko aldian, prezioen hazkunderik handienak ondoko adarretan eman ziren: petrolioaren birfinketa (%29,0), energia elektrikoa, gasa eta ura (%13,0), mineral metaliko eta ez metalikoak (%5,4), industria ez metalikoa (%3,7), ehungintza eta joskintza (%3,1). Baina prezioen beherapenak edo hazkunde txikiagoak izan zituzten ondoko sektoreek: garraio-materiala (%-3,2), zuraren industria (%0,3) eta material elektrikoa (%0,3).



Xede ekonomikoaren araberako ondasunen sailkapenari jarraituz, sektore garrantzitsuenen prezioek urtarrilean izan zuten bilakaerak ibilbide ezberdina izan zuen horietariko bakoitzean: ekipamenduko ondasunek izan zuten beherapenik handiena (%0,4); energia %0,4 hazi zen eta bitarteko ondasunen prezioak %0,8 hazi ziren. Oro har kontsumo-ondasunak %1,3 hazi ziren kontsumo-ondasun ez iraunkorrek izandako hazkundearen (%1,9) ondorioz; kontsumo-ondasun iraunkorrek pixka bat baino ez ziren hazi (%0,1).



Ondasun talde garrantzitsu hauen prezioen bilakaerek urtetik urtera ezberdintasun nabarmenak izan zituzten, baina guztiak positiboak. Energiaren prezioak %23,8 igo ziren, tarteko ondasunak %1,5, ekipamenduko ondasunak %0,1 eta kontsumo-ondasunak %2,1. Azken hauen artean, %2,8 igo ziren kontsumo-ondasun ez iraunkorren prezioak eta %0,9 kontsumo-ondasun iraunkorren prezioak.

Datu hauek Eustat-ek landutako Industriako Prezioen Indizea (IPRI), 2006ko urtarrila ikerketari dagozkio eta taula zein grafiko osoak Euskal Estatistika Erakundearen webgunean, www.eustat.es helbidean, daude ikusgai.




123 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin