Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EAEko industriako prezioek %0,6ko hazkundea izan dute iragan uztailean, urte arteko igoera %5,9koa izan den bitartean


2006-08-24 10:22



BILBO, 24 (EUROPA PRESS)

Euskal Autonomia Erkidegoko (EAE) industriako prezioek %0,6ko hazkundea izan dute 2006ko uztailean eta gainera, azken hamabi hilabeteetako industriako prezioen aldaketa jaso duen uztaileko urte arteko tasak %5,9ko hazkundea izan du. Industriako prezioak %4,9 gehitu dira 2006ko lehenengo zazpi hilabeteetan, 2005eko abenduaren aldean, Eustaten datuen arabera.

Sektore-azterketa xehekatuenak erakutsi bezala 2006ko uztailean, eta aurreko hilabetearen aldean, hauexek izan dira inflazio handiena izan duten arloak: petrolioaren birfinketa (%2,5), energia elektrikoa, gasa eta ura (%2,0), metalurgia eta gai metalikoak (%0,8) eta kautxua eta plastikoa (%0,6). Aitzitik, hurrengo sektoreetako prezioak jaitsi egin dira: larruaren eta oinetakoen industria (%-0,6) elikaduraren industria (%-0,6) eta papera, edizioa eta arte grafikoak (%-0,1).

Iazko uztailetik aurtengora arteko aldian, prezioen hazkunderik handienak ondoko adarretan eman dira: Energia elektrikoa, gasa eta ura (%24,3), petrolioaren birfinketa (%12,2), metalurgia eta gai metalikoak (%8,8), papera, edizioa eta arte grafikoak (%4,2), kautxua eta plastikoa (%4,2) eta elikaduraren industria (%3,3). Baina prezioen beherapenak edo hazkunde txikiagoak izan dituzte ondoko sektoreek: garraio-materiala (%-2,8), material elektrikoa (%-0,3), zuraren industria (%0,7), mineral metalikoak eta ez-metalikoak (%1,6) eta beste manufaktura batzuk (%1,6).

Ondasunak destino ekonomikoaren arabera sailkatuz gero, sektore-talde handietako uztaileko prezioen bilakaera, aurreko hilekoekin alderatuta, goranzkoa izan da, salbu eta kontsumo-ondasunetan, %0,1 jaitsi baitira. Horren arrazoia da kontsumo-ondasun iraunkorren prezioa jaitsi egin dela (%-0,2), kontsumo-ondasun ez iraunkorrek ez baitute aldaketarik izan (%0,0). Tarteko ondasunen prezioak %0,6 igo dira, ekipamenduko ondasunenak %0,2 eta energiarenak %2,3.

Azkenik, ondasun talde garrantzitsu hauen prezioen bilakaerek urtetik urtera gero eta ezberdintasun nabarmenagoak izan dituzte, baina denak positiboak. Energiaren prezioak %15,6 igo dira, tarteko ondasunenak %6,7, ekipamenduko ondasunenak %0,9 eta kontsumo-ondasunenak %2,6. Azken hauen artean, %3,6 igo dira kontsumo-ondasun ez iraunkorren prezioak eta %0,9 kontsumo-ondasun iraunkorren prezioak.

Datu guzti hauek Euskal Estatistika Erakundeak garatutako Industriako Prezioen Indizea, 2006ko uztaila ikerketari dagozkie eta Interneten www.eustat.es helbidean aurki daitezke, trafiko, taula eta guzti.


134 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin