Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EAEko industri jarduerak urte arteko %3ko hazkundea izan du eta urte honetako lehen seihilekoan %4,5 igo da


2006-08-03 12:16

BILBO, 3 (EUROPA PRESS)

Euskal Autonomia Erkidegoko (EAE) industri produkzioa %3 hazi zen joan den ekainean 2005eko hilabete beraren aldean, Eustaten datuen arabera eta lan-egutegi homogeneoari dagokionez. Horrela, urte honetako lehenengo sei hilabeteetako hazkundea %4,5ekoa izan da, 2005eko aldi beraren aldean.

Halaber, joan den ekainean, eta maiatzaren aldean, Euskal Autonomia Erkidegoko industri produkzioa %0,6 hazi zen, baina estazionalitate-ondorioak zuzendu ostean.

Sektoreen arabera, eta industri sektore nagusienen sailkapena kontuan hartuta, 2006ko ekaineko indizearen bilakaerak (2005eko ekainaren aldean) gehikuntzak izan zituen ia sektore guztietan: Ekipamenduko ondasunak %8 gehitu ziren, Energia %1,5, Tarteko ondasunak %1,3 eta Kontsumo-ondasunak %0,1; izan ere, azken hauen gehikuntza kontsumo-ondasun ez iraunkorren (%1,0) gehikuntzaren ondorioz eman da; aitzitik, kontsumo-ondasun iraunkorrak %1,7 gutxitu dira.

Joan den ekaineko hilabete arteko aldakuntzek (2006ko maiatzaren aldean) zeinu ezberdina izan zuten industriako sektoreetan. Energia %4,3 gehitu zen hil artean, Ekipamenduko ondasunak %1,4 eta Tarteko ondasunak %0,1; baina Kontsumo-ondasunak %0,4 gutxitu ziren maiatzaren aldean, kontsumo-ondasun iraunkorrak gutxitu egin zirelako (-%1,9) eta kontsumo-ondasun ez iraunkorrak gehitu egin zirelako (%0,3).

Lurralde Historikoen arabera, Industri Produkzioaren Indizearen urte arteko bilakaerak positiboak izan ziren EAEko hiru lurraldeetan. Horrela, Gipuzkoan %5,4 gehitu zen indizea, Bizkaian %2 eta Araban %0,8. 2006ko maiatzetik ekainera bitarteko tasak Gipuzkoan (%1,6) eta Araban (%1,6) gehitu egin ziren, baina Bizkaian %0,8 gutxitu.


155 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin