Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EAEko eraikuntzaren kostuak %2,3 igo ziren 2006ko urtarrilean, azken urtean %3 igoaz


2006-02-28 10:54



BILBO, 28 (EUROPA PRESS)

Euskal Autonomia Erkidegoan eraikuntzako kostuen indizeak %2,3ko igoera izan zuen 2006ko urtarrilean, aurreko hilabetearen aldean; horrela, hilabete horretako urte arteko tasa %3raino igo zen, Eustat-en datuen arabera. 2006ko urtarrilean laneskuaren kostua %4,0 gehitu zen, eta lehengaien kostuek %1,6ko igoera izan zuten.



Eraikuntzaren eta Obra Zibilaren azpisektoreek nahiko antzeko bilakaera izan zuten. Eraikuntzak %1,6ko gehikuntza izan zuen aurreko hilabetearen aldean, eta Obra Zibilerako lehengaien kostuek %1,4koa. Bi azpisektore horien urte arteko bilakaeran, argi ikusten da ibilbide ezberdinak izan dituztela: eraikuntzako lehengaien kostuak %2,4 gehitu ziren, eta obra zibilekoak %2,9.



Urtarrilean prezioaren hazkunde handienak, besteak beste, hurrengo sektoreetako lehengaietan eman zen: zementu artifiziala (%4,8), energia elektrikoa (%4,1), zementutik eratorritako gaiak (%3,5), petrolioaren eratorriak (%3,4), asfaltozko produktuak (%3,4) eta erauzketa-agregakinak (%2,7).

Aitzitik, besteak beste ondoko sektoreen lehengaietako prezioak gutxitu egin dira: pinturak eta bernizak (%-1,3), metalezko tutueriak (%-1,1), gailuak eta material elektrikoak (%-0,9), plastikozko tutueria (%-0,7) eta garbitzeko materiala (%-0,5).



Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan zituztenak ondokoak izan ziren: asfaltozko produktuak (%39,7), petrolioaren eratorriak (%29,2), harri landua (%6,2) eta lur-egosiak (%4,3).

Bestalde, ondoko hauen lehengaien urte arteko prezioak (2005eko urtarriletik 2006ko urtarrilera) murriztu egin dira: metalezko tutueriak (%-5,4), karea, igeltsua eta eskaiola (%-1,1), plastikozko tutueria (%-0,4) eta gailuak eta material elektrikoak (%-0,2).



Datuok Eraikuntzako kostuen indizea (EKI), 2006ko urtarrila ikerketari dagozkio eta grafiko eta guzti Euskal Estatistika Erakundearen webgunean, www.eustat.es helbdiean, ikus litezke.




117 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin