Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EAEko eraikuntzaren kostuak %0,4 jaitsi ziren abenduan eta %5,9 igo 2008 osoan


2009-01-30 12:37

BILBO, 30 (EUROPA PRESS)

Euskal Autonomia Erkidegoko (EAE) Eraikuntzaren Kostuen Indizea %0,4 jaitsi zen joan den abenduan, azaroarekin alderatuta, Eustatek gaur emandako datuen arabera. Horrela, 2008. urte osoko tasak %5,9eko igoera izan zuen 2007ko abenduaren aldean.

Bestalde, urte arteko aldian (2007ko abendutik 2008ko abendura), lan-eskuaren kostua %6,3 handitu zen eta lehengaien kostuak, berriz, %5,7.

Abenduan Eraikuntza eta Obra Zibila azpisektoreek bilakaera ezberdina izan zuten lehengaien kostuari dagokionez, aurreko hilaren aldean. Eraikuntzaren atalean aldaketarik ez zen izan (%0,0) eta Obra Zibilaren atalean lehengaien kostuak %2,5 jaitsi ziren. Azpisektore bien urteko bilakaeran ikusten denez, biek gora egin zuten baina indar ezberdinez: Eraikuntzako lehengaien kostuak %6,6 hazi ziren, eta Obra zibilekoak, berriz, %2,3.

Sektoreak kontsumitutako lehengaien artetik, 2008an hauek izan zituzten inflazio-tasarik handienak: Energia elektrikoa eta gasa (%14,4), Metalezko eta ez-metalezko meak (%13,1), Ura (%11,4) eta Industria kimikoa (%6,8). Aitzitik, urteko prezioetan (2008ko abendua, 2007ko abenduaren aldean) murrizketak izan zituzten Petrolioa fintzearen (%-21,6) eta Material elektronikoaren (%-3,2) lehengaiek.


264 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin