Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EAEko azalera handietako salmentak %4,8 gehitu ziren uztailean, urte batetik bestera elikagaiak %5,2 gehitu direlarik


2006-09-06 11:05



BILBO, 6 (EUROPA PRESS)

Euskal Autonomia Erkidegoko (EAE) azalera handietako salmentek urtetik urtera %4,8ko hazkunde nominala izan dute aurtengo uztailean. Era berean, elikagaiak %5,2 gehitu dira urte batetik bestera, eta gainerako produktuak %4,7, Eustaten datuen arabera.



Prezioen eragin inflazionista kenduz gero, uztaileko urtetik urterako tasak %0,9ko gehitzea izan zuen, euro konstanteetan. Urteko lehenengo zazpi hilabeteetako salmentak %5,4 gehitu dira urteko prezioetan, eta %1,8 prezio konstanteetan.



Gaienra, 2006ko uztailean, urte bereko ekainaren aldean, desestazionalizatutako hileko datuek hil arteko %0,1eko beherapena izan dute urteko prezioetan eta %0,1eko gehikuntza prezio konstanteetan. Termino errealetan, elikagaien salmentak %0,4 gehitu ziren eta gainerako produktuak %1,1.



Lurraldeak banan-banan aztertuz gero ikusten da Euskal Autonomia Erkidegoko hiru lurraldeetan izan zutela hazkunde nominala salmentek: Araban salmenta horiek %6,7 gehitu ziren, Bizkaian %5,6 eta Gipuzkoan %2,2. Datu horiek guztiak 2005eko uztailarekin alderatutakoak dira betiere. Balio errealetan, aurreko urteko hilabete beraren aldean, Araban %2,9 gehitu ziren salmentak, Bizkaian %1,4 eta Gipuzkoan %1,5 murriztu ziren.



Aurreko hilabetearen aldean, Arabako azalera handietako salmentak hil artean (2006ko ekainetik 2006ko uztailera) %0,2 gehitu dira urteko prezioetan eta %0,3 prezio konstanteetan. Bizkaian, bestalde, salmentak urteko prezioetan %0,8 gutxitu dira uztailean, aurreko hilabetearen aldean; prezio konstanteetan, alabaina, %0,7 gutxitu dira hil arteko aldi horretan.



Gipuzkoan, azalera handietako salmentek hil arteko %1,2ko hazkunde nominala izan dute uztailean, eta euro konstanteen kasuan %1,7 gehitu dira salmenta horiek. 2006ko uztailean, ekainaren aldean, azalera handietako establezimenduetako langileen kopurua %0,3 gehitu zen; Gipuzkoan kopuru hori positiboa izan zen (%1,7), Araban %0,7 gutxitu zen eta Bizkaian ez zen aldaketarik eman (%0,0).




106 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin