Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EAEko 65 enpresek jo dute SPRIk Dubain duen bulegora, Arabiar Emirerri Batuetako merkatuan interesaturik


2009-01-22 13:45

BILBO, 22 (EUROPA PRESS)

SPRI Industriaren Sustapenerako Baltzuak Arabiar Emirerri Batuetako merkatuan sartzea erabaki zuen duela bi urte, herrialde honek euskal enpresei eskaintzen dizkien aukera handiak positiboki baloratu ondoren. Horrela, 2007ko ekainean zerbitzua eskaintzen hasi zen, Dubain kokatutako agente baten bitartez, eta harrezkero, 65 euskal enpresak jo dute SPRIk Dubain duen bulegora, batez ere hiru zerbitzu eskatzeko: merkatu ikerketak, banatzaileak bilatzea eta lan agendak.

Une honetan, Arabiar Emirerri Batuetakoa munduko ekonomia dinamikoenetakoa da, azken urteetan BPGak batez beste %8ko hazkundea izan duelarik, SPRIko iturriek gaur jakinarazi dutenez.

Sei euskal enpresa daude modu iraunkorrean finkatuta Arabiar Emirerrietan, denak ere merkataritza-ezarpenekin. Gehienbat, energia eta eraikuntzaren sektoreetako enpresak dira eta herrialdearen zergarik gabeko eremuan daude. Arabiar Emirerrietara produktuak esportatzen dituen euskal enpresen kopurua, ordea, askoz ere handiagoa da, 72 baitira guztira. 2007an Euskaditik Emirerrietara egindako esportazioek 105 milioi euro baino gehiago eman zituzten, eta 2008ko behin behineko datuen arabera, zenbateko hori %28 igoko da aurten.

SPRIk Dubain duen bulegoan pentsatzen dute euskal enpresek aukera handiak dauzkatela Arabiar Emirerrietan, ez herrialde hau osatzen duten emirerri garrantzitsuenetan negozioa egiteko bakarrik, baina baita ere Ekialde Ertaineko beste herrialde batzuetara jauzi egiteko, esaterako Qatar edo Omanera.

Ana Agirre Eusko Jaurlaritzako Industria, Merkataritza eta Turismo sailburua Abu Dhabin izan da, World Future Energy Summit delako gailurrean hitzaldi bat emateko, eta aukera hau aprobetxatu du bertan finkatuta dauden bi euskal enpresarekin harremanetan jartzeko. Hauetako bat SENER da, Arabiar Emirerrietako energiaren sektorean garrantzi eta osperik gehien duten enpresetako bat.

SENEReko zuzendaritza taldea, bere presidente Jorge Sendagortaren zuzendaritzapean, Industria sailburuarekin eta euskal ordezkaritzako beste kide batzuekin bildu zen, eta horrela azaldu zien euskal ingeniaritzak Arabiar Emirerri Batuetan martxan jarri zuen proiektuaren eboluzioa, SENER eta MASDAR (Abu Dhabi-ko energia alternatiboen konpainia) enpresen arteko aliantzaren emaitza dena.

Proiektu hau 2007an jaio zen, eta helburutzat dauka batetik, kontzentrazio bidezko eguzki energiaren sektorean mundu mailako lider bihurtzea eta, bestetik, kontzentrazio bidezko eguzki energiazko planta handien garapen eta ustiapena sustatzea mundu osoan.


185 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin