Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-EAEk 2004an guztira joan zirenak baino 9.24 pertsona gehiago jaso zituen, 2003an baino %44 gehiago


2006-02-17 11:05

Euskal biztanleriaren %8,5a lekuz mugitzen dela ondorioztatu du Eustat-ek

BILBO, 17 (EUROPA PRESS)

Euskal Autonomia Erkidegotik joan ziren baino 9.024 pertsona gehiago etorri ziren 2004. urtean eta beraz, 2003. urtearen aldean %44ko igoera izan zen, euskal biztanleriaren %8,5a lekuz mugitzen baita.

Eustat-ek gaur argitaratutako dateun arabera, Euskal Autonomia Erkidegoan migrazio-saldoa positiboa den segidako bosgarren urtea da hau. Migrazio-saldo positiboa atzerritik etorritako pertsonei esker eman zen.

Lurraldeka, Bizkaiak 5.099 pertsona gehiago izan zituen; beraz, kopuru absolutuetan migrazio-saldo altuena zeukan. Aurreko urtekoaren aldean saldoa %27 altuagoa izan zen. Arabak 3.299 pertsona gehiago ditu migrazioaren ondorioz. Beraz, ia %50eko gehikuntza izan du (zehazki, %47koa) aurreko urtearen aldean. Gipuzkoak 626 pertsona gehiago izan du.

Euskal Autonomia Erkidegoaren eta gainerako autonomia-erkidegoen arteko mugimenduak bakarrik kontuan hartuz gero, 2004. urtean aurrekoan baino 380 pertsona gutxiago etorri ziren; hau da, bosten bat baino gehixeago gutxitu zen. Horrenbestez, Euskal Autonomia Erkidegoaren eta gainerako autonomia-erkidegoen arteko migrazio-saldoa oraindik negatiboa da, 2.640 pertsonako galera izan baita.



Bestalde, atzerriko herrialdeetako etorkinen migrazio-saldoa positiboa da; 11.664 pertsona gehiago dago eta horrek, aurreko urtekoaren aldean, %20ko gehikuntza ekarri du.

Euskal Autonomia Erkidegoan, guztira, 180.357 kasutan aldatu ziren ohiko bizilekuak. Kopuru horretatik, 87.494 kasutan udalerrian bertan aldatu dira bizilekuak. Erkidego barruko mugimenduak, hau da, bai jatorria bai helmuga Euskal Autonomia Erkidegoko udalerrietan dituzten mugimenduak 41.231 izan dira.

Era berean, kanpoko edo erkidegoaz kanpoko 30.328 immigrazio gertatu dira. Jatorria gure erkidegoaz kanpoko udalerri batean eta helmuga Euskal Autonomia Erkidegoan duten mugimenduak dira horiek.

Azkenik, kanpoko edo erkidegoaz kanpoko 21.304 emigrazio gertatu dira.

ERKIDEGOKAKO MUGIKORTASUNA

Euskal Autonomia Erkidegoko mugikortasun geografikoa eta emigrazio-tasa txikiak dira, Estatuko batezbestekoarekin erkatuta. Mugimenduen %71,3an Euskal Autonomia Erkidego barruan eman zen, eta gainerako kasuetan erkidegotik kanporako mugimendua eman zen.

Kanpoko edo erkidegoz kanpoko mugikortasunari dagokionez, 2004. urtean EAEko mila biztanletik 24,4 mugitu ziren (milako 32,7 Araban, milako 26 Bizkaian eta milako 18,2 Gipuzkoan); alabaina, mugikortasun hori gainerako autonomia-erkidegoetakoarekin erkatuta txikia zen, azken hauetan mila biztanletik 40 mugitzen baitira.

EAEko emigrazio-tasa, 2004. urtean, milako 10,05ekoa izan zen; baina atzerrira egindako emigrazioa kenduz gero, milako 9,15ekoa, autonomia-erkidego guztien batezbestekoaren ia lau puntu gutxiago. Madril, Errioxa, Balearrak eta Ceuta-Melilla batezbestekoa baino gorago zebiltzan; eta milako 17 eta milako 38 artean zeudenez, EAEko tasaren gainetik gelditu ziren.

Euskal Autonomia Erkidegoari biztanle gehien ematen dioten erkidegoak Kanariar Uharteak, Madril, Murtzia, Gaztela-Mantxa, Katalunia eta Balearrak dira. Atzerriarekin, 11.664 pertsonako saldo positiboa izan zen 2004. urtean.

Euskal Autonomia Erkidegoko emigrante gehien erakarri duten autonomia erkidegoak ondokoak dira, eta hurrenkera honetan: Kantabria, Gaztela eta Leon, Madril eta Nafarroa. Lauon artean, gure erkidegoa uzten duten bi lagunetatik bat hartzen dute.

ATZERRITAR APALAK

Atzerriko nazionalitatea duten etorkinak, 2004. urtean, 13.563 pertsona izan ziren, hots, aurreko urtekoaren antzean (atzerriko 175 etorkin gutxiago), eta gure erkidegoko sarrera guztien %45 izan ziren. 1988az geroztik, nabarmen gehitu dira atzerriko nazionalitatea duten etorkinen sarrerak Euskal Autonomia Erkidegoan.

Kopuru absolututan, 500 sarrera ingurutik 13.000 pasara igo zen 2004an, hau da, atzerritarren immigrazioak 27rekin biderkatu dira hamabost urtean. Kontuan izan behar da atzerriko etorkinetatik zenbait beste autonomia erkidego batzuetatik etorri direla. Zehazki, 2004. urtean 4.682 kasutan gertatu zen hori.

Titulu-mailari dagokionez, titulu-maila apalenetakoak dira immigrazioen %51,25 eta emigrazioen %50,5; goi-mailako tituluetan, ordea, emigrazioen %16,6 eta immigrazioen %18. Emigranteen batez besteko adina, 36,4 urte, etorkinen batez besteko adinaren berdintsua da, 36,7 urte.


161 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin