Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Durangoko Euskal Liburu eta Disko Azokak Haur Literatur Aretoa izango du aurtengo edizioan ere


2006-11-28 12:51

BILBO, 28 (EUROPA PRESS)

Durangoko Euskal Liburu eta Disko Azokak aurtengo edizioan errepikatuko duen Haur Literatur Aretoa aurkeztu du gaur. Haur eta gaztetxoentzako gune baten beharra ikusik, Haur Literatur Aretoarekin, bereziki, 2 eta 12 urte bitarteko ume eta gaztetxoek euskarazko literaturara hurreratzea lortu nahiko duke Durangoko Azokaren ardurtadunek, beraientzako aproposa den txoko bat sortuz. Gerediaga Elkarteak eta Berbaro Elkarteak elkarrekin burutuko dute aurten ere Durangoko Azokaren antolakuntza barruan ekimena.

Antolatzaileek aurkezpenean azaldu duteenz, areto honen helburua ez da umeak zaintzea, baizik eta umeak liburu artean lasai eta gustura sentituko diren espazio bat sortzea. Horrela, helburu artean daude 2 eta 12 urte bitarteko haurrak literaturaren mundura modu aktibo batean hurbiltzea; haurrei euskaraz irakurtzeko gogoa piztea;

haurrak ipuinen magian barneratzea; eta umeentzat Liburu eta Disko Azokan barruan beraientzako gustukoa izan daitekeen gune lasaia bermatzea.

Haur liburutegi bat izateaz gain, hizkuntzarekin jolasteko esparru bat izango da aretoa. Umeekin hurreratuko diren guraso eta senitartekoez gain, begirale euskaldunak egongo dira bertan gunea dinamizatzeko eta umeen beharrei erantzuteko. Honela, begiraleek haurren irakurketa zaletasuna eta beraien irakurketa aktiboa bultzatuko dute, beraiekin irakurriz, irakurketa landuz eta marrazkiak eginez, besteak beste. Aretoan beti ere haurren partaidetza bultzatzea lortu nahi da.

Beraz, haurrek gune honetan egongo diren liburu berriak ikusi, irakurri eta beraiekin jolasteko aukera izango dute. Horrez gain, programazio bat izango du txokoak eta egunean zehar ekintza finkoak eta bereziak egongo dira goiz eta arratsaldez. Ekintza finko bezala, liburuekin lasai egoteko tarte zabalak daude, beti ere begiraleen dinamizaziopean.

Ekintza berezien artean, bi nabarmendu dituzte antolatzaileek: liburu berriak aurkezteko idazleen tartea; eta ipuin kontalariak, Berbaroko Antzerki Taldea edota ilustratzaile tailerrak.

Azoka, eta baita Haur Literatur aretoa ere, abenduaren 6tik 10era bitartean egongo da zabalik, goizeko 10,30etatik 20,00etara bitartean. Honetarako, egunean zehar, begiraleen bi txanda egingo dira: bi begirale goizez, bost orduz, eta beste hainbeste arratsaldean. Begirale talde biak berdinak izango dira egunero, aretoaren kalitatea eta jarraipen egokia bermatzeko.


201 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin