Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Donostiako Sebastopol kultur etxean otsailean Eva Chacon koreografaren ekialdeko dantzen ikuskizun eta ikastaroak


2006-01-11 11:26

DONOSTIA, 11 (EUROPA PRESS)

Ekialdeko dantzen munduan nazioartean sona handiko irakasle den Eva Chacon koreografo madrildarrak ikuskizun eta ikastaroak eskeiniko ditu Donostiako Sebastopol kultur etxean otsailean, hilak 10, 11 eta 12ako asteburuan hain zuen ere.

Kultur etxe donostiarreko iturriek komunikatu batean jakinarazi dutenez, ekiladeko dantzen ikuskizuna otsailak 10ko ostiralean, gaueko 22,00etan izango da ikusgai Sebastopol bertan. Dantzariak Eva Chacon bera eta oraindik konfirmatzeke dauden dantzari gonbidatuak izango dira. Prezioari dagokionez, 10 euro izango dira aurretik erosita, 15 euro egunean bertan lortzen bada.

Ikastaroak berriz, otsailak 11 eta 12an eskeiniko dira, larunbata eta igandea hurrenez hurren. Ordutegiak, bi egunetan, goizean 11,00etatik 13,30etara eta arratsaldetan 16,00etatik 18,30etara, berdinak izango dira. Bi goizetan teknika eta pausoak garatuko dira, baina lehen arratsaldean melaya koreografia egiten den bitartean, igande arratsaldean perkusio koreografia garatuko da.

Larunbateko bi saioak erdi maila edukiko dute, igandekoak maila aurreratua eskeiniko dutelarik. Prezioei dagokienez, bi egunen artean bost orduko ikastaroa jaso nahi duenak 70 euro ordaindu beharko du, zazpi ordu nahi izan ezkero 100 euro eta hamar orduak 120 euroko prezioa edukiko dute. Prezio hauek otsailaren 4ra arte balio dute, egun horretatik aurrera 10 euro gehiago balioko baitute eta 5 ikasle ekartzen dituzten irakasleentzat %50ko deskontua aurreikusi da.

Azkenik, Sebastopol kultur etxean baita ere garatzen dira beste zenbait ekimen, hala nola zinema zikloak (erromotarrak, arabiarra, indioa edota Zinemaren historia ostegunetan, afari orientalak larunbatetan eta eskenatoki irekia musiko, aktore eta dantzarientzat igandeetan. Bai ekimen hauei buruz edota Eva Chaconen ikuskizun zein ikastaroen informazioa gehiago nahi duenak eta inskripzioa burutu nahi duenak 658 731 906 (Jaione) telefonora dei dezake.


178 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin