Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Donostiako Orfeoiak kontzertu bat emango du larunbatean Madrilen, Boluntarioen Nazioarteko Eguna ospatzeko


2006-11-23 16:51

DONOSTIA, 23 (EUROPA PRESS)

Donostiako Orfeoiak eta Madrilgo Ensamble Instrumental taldeak kontzertu bat eskainiko dute larunbat honetan, Espainiako hiriburuko Monumental antzokian. Kontzertua Sainz Alfarok zuzenduko du, orfeoi donostiarreko iturriek jakinarazi dutenez. Kontzertua arratsaldeko 19:30ean hasiko da, eta TVEk grabatuko du, ondoren La2 katean emateko, oraindik eguna zehaztu gabe dagoen arren.

Madrilgo Erkidego Autonomoko Familia eta Gizarte Gaietako Kontseilaritzako Boluntariotza eta Gizarte Sustapeneko Zuzendaritza Nagusiak antolatu du kontzertua, abenduaren 5eko Boluntarioen Nazioarteko Eguna ospatzeko ekitaldien barruan.

Kontzertuan, Verdi, Borodin eta Macagniren opera zatiak interpretatuko dira. Madrilgo Komunitate Autonomoak boluntariotza-jarduerei denbora eta ahalegina eskaintzen dizkieten herritarrak omendu nahi ditu ekitaldiarekin. Ez da kontzerturako sarrerarik salduko, eta gonbidapen bidez banatuko dituzte: boluntariotza erakunde bateko kide dela egiaztatzen duen pertsona orok bi gonbidapen lortzeko aukera izango du antzokia guztiz bete arte.

Ensamble Instrumental Madrilgo taldea Espainiako hainbat elkarte sinfonikotako maisuek osatzen dute. Taldeak leku garrantzitsua betetzen du sortu zen unetik Espainiako Ganbera Musikaren munduan. Izan ere, musikaren arloko aukera berriak bilatzen aritzen da etengabe. Kritikari zorrotzenek ere bat egin dute taldearen originaltasuna eta interpretazio heldutasuna goraipatzerakoan.

Ensamble Instrumentalek lan eskerga egin du Latinoamerikako egileen lanak hedatzeko, orain artean Europan oso gutxi ezagutzen ziren konposizioak jotzen baititu. Konpositore klasiko unibertsalen zein Espainiako musikagile handien partitura ahaztuak berreskuratzen ere lan handia egin du taldeak.


163 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin