Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Donostiako Orfeoiak bira bat hasi du Daniel Barenboim zuzendariarekin eta West-Eastern Divan orkestrarekin


2006-08-08 16:08

DONOSTIA, 8 (EUROPA PRESS)

Donostiako Orfeoiak West-Eastern Divan orkestrarekin batera hasi du bira gaur, eta Sevillan, Madrilen eta Peraladan izango dira Beethovenen Bederatzigarren Sinfonia interpretatzen, Daniel Barenboimen zuzendaritzapean. Zuzendari horrek sortu zuen West-Eastern Divan orkestra, eta musikari arabiar, israeldar eta espainiar gazteek osatzen dute.

Hiru kontzertuak Barenboim-Said fundazioak duen proiektu orokorraren barrukoak dira. Fundazioaren helburua da munduari erakustea musikaren bidez herriek dituzten desadostasunak konpon daitezkeela, baita israeldar eta palestinarren artekoak ere. Abesbatza donostiarra modu altruistan arituko da.

Camila Nylund (sopranoa), Waltraud Meier (kontraltoa), Burkhard Frtiz (tenorra) eta Christof Fischesser (baxua) arituko dira bakarlari gisa hiru kontzertuetan. Kontzertu guztiak atari zabalean izango dira, eta gaueko 22,00etan hasiko dira. Gaur Sevillan izango da kontzertua, Maestranza zezen plazan.

Madrilgo kontzertua Plaza Nagusian izango da, doan, osategunean, eta Hiriko Udak izeneko programazioaren barnean sartu dute kontzertu hori. Alberto Ruiz Gallardon Madrilgo alkateak esan duenez, Madrilek bakearen alde lan egiteko duen desioari erantzun nahi dio hitzordu horrek. Hurrengo egunean, Peraladako jauregiko lorategiek hartuko dituzte musikariak eta kantariak, herrian antolatzen duten jaialdiaren hogeigarren edizioaren barnean.

West-Eastern Divan orkestra 1999an sortu zen. Sortzaileak jatorriz judua den Daniel Barenboim zuzendari argentinarra eta bere lagun Edgard Siad izan ziren, jada hilda dagoen intelektual palestinarra. Munduko kulturak elkarren artean inguratzeko asmoarekin sortu zen orkestra. 2002an Adiskidetasunaren Asturiasko Printze saria jaso zuen.

Gaur egun 14 eta 29 urte arteko 42 musikari israeldarrek, Jordania, Siria eta Egiptoko 25 musikari arabiarrek eta 21 musikari espainiarrek osatzen dute orkestra. Aurtengo udan Europan zehar ibiliko dira, eta Donostiako Orfeoia Espainiako hiru hiri horietan arituko da beraiekin.


174 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin