Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Donostiako klinika batean indarra erabiliz 1.000 euro lapurtu zituzten hiru pertsona atxilotu dituzte


2006-08-09 16:09

DONOSTIA, 9 (EUROPA PRESS)

Donostiako klinika batean ustez 1.000 euro ostu zituzten lagunak atxilotu dituzte Ertzaintzaren agenteek. 16 eta 19 urte artekoak dira atxilotuak, eta, klinikako harreran sartu ondoren, administraria jo eta mehatxatu zuten, gero dirua lapurtzeko, Ertzaintzaren iturriek azaldu dutenez.

Lapurreta joan den ostegun goizaldean gertatu zen, Donostiako Egia auzoko klinika batean. Goizaldeko 4,00ak aldera, hiru gizonezko eta emakumezko bat sarrera nagusira joan ziren eta guardian zegoen harreragileak atea ireki zien, larrialdi zerbitzura zihoazela uste baitzuen.

Hiru gazteak harreragunera joan ziren eta langileak, medikuen laguntza behar ez zutela ikustean, handik joateko eskatu zien. Joan nahi ez zutela ikusita, harreragilea telefonora joan zen, Ertzaintzari deitzeko. Une horretan, langilea jotzen hasi ziren eta telefonoaren konexio kablea ateratzen saiatu ziren.

Gazteetako bat armairura joan zen eta 1.000 euro baino pixka bat gehiago zituen kutxa metalikoa hartu zuen. Ondoren, goiko pisutik zetorren zarata bat entzun zen eta bi gaztek ihes egitea lortu zuten; hirugarrena, berriz, langile batek harrapatu zuen. Hala ere, gazteak indarra erabili eta labana bat sartzeko mehatxua egin zion; azkenik, irtetea lortu eta bertara iristeko erabili zuten ibilgailuan ihes egin zuen.

Klinikaren zuzendaritzak gertatutakoa salatu zuen Ertzaintzaren egoitza batean, eta Poliziak lapurretaren egileak aurkitzeko ikerketa hasi zuen. Jazoera gertatu zen egun bereko arratsaldean, inplikatuetako bat atxilotu zuten, A.S.S. (19 urte eta Donostiakoa), klinikara joateko erabili zuen autoa gidatzen zihoala. Beste bi inplikatuak bilatzeko lanak atzo gauean bukatu ziren, Gipuzkoako hiriburuan atxilotu zituztenean. Hiru atxilotuak nahiko ezagunak ziren agenteentzat, aurrekariak baitzituzten.


176 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin