Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Donostiako Justizia Jauregian poltsa bat lapurtu duen 31 urteko gizon bat atxilotu dute


2009-01-13 12:56

DONOSTIA, 13 (EUROPA PRESS)

Ertzaintzaren agenteek 31 urteko gizonezko bat atxilotu zuten atzo arratsaldean Donostian, Justizia Jauregian poltsa bat lapurtzeagatik. Atzemandako laguna Guardiako epailearen aurrean egon berri zen, aurreko eguneko goizaldean Errenterian egindako delitu baten ondorioz, Herrizaingo Sailak gaur jakinarazi duenez.

Gertakariak atzo arratsaldean jazo ziren, 19:30ak aldera, gizonezko batek poltsa lapurtu zionean emakume bati Donostiako Justizia Jauregian. Lapurrak korrika alde egin zuen eta Ertzaintzaren patruila bat atzetik joan zitzaion. Ertzainak saihestea lortu zuen, baina minutu batzuk geroago patruila batek ikusi egin zuen. Agenteak ikusitakoan, ustezko lapurra taberna batean sartu zen ezkutatu nahian, baina ertzainek identifikatu eta atxilotu egin zuten.

Atxilotzearen ostean, atzemandako laguna Donostiako Ertzainetxera eraman zuten; lapurtutako poltsatik hartutako telefono bat aurkitu zioten bere gauzen artean. Datozen orduotan, beharrezko eginbide polizialak bukatutakoan, Donostiako Guardiako epailearen esku utziko dute.

Atxilotua (hainbat polizia aurrekari ditu) Guardiako epailearen aurrean izan zen poltsaren lapurreta egin baino minutu batzuk lehenago, aurreko goizaldean Errenteriako okindegi batean lapurtzeagatik Ertzaintzak atxilotu eta bertara eraman baitzuen.


334 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin