Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Donostiako Haurren Gabonetako Parkeak ostiralean irekiko ditu ateak Kursaalen eta urtarrilaren 4a arte iraungo du


2006-12-20 13:07

DONOSTIA, 20 (EUROPA PRESS)

Donostiako Haurren Gabonetako Parkeak ostiral honetan zabalduko ditu bere ateak. Kursaal Aretoko 3.000 metro karratuko esparruan, jolaserako eta trebakuntzarako ekitaldi, tailer eta jolas ugari egin ahalko dira 2007ko urtarrilaren 4ra bitartean, arduradunek jakinarazi dutenez.

Kursaaleko aurtengo parkea 2 eta 12 urte bitarteko haurrentzat egokia da. Gainera, haurrentzako eta gazteentzako guneak ondo bereiztuak izango dira. Edukiei dagokionez, parkeko Tren Txikia, Goming-a, bide-hezkuntza bultzatuko duen moto eta bizikleten pista, puzgarrriak, ludoteka, ohe elastikoak, eta bideojokoen azken belaunaldiko programekin jolasteko aukera zabala izango da.

Bestalde, tailer didaktiko ezberdinak eta oso dibertigarriak izango dira: Eskulanak, Pintura, Irakurtzeko txokoak, PIN-Zinem. Aurten, berrikuntza bezala, goizero PINeko Tonbola ospatuko da, bertan 1.000 opari baino gehiago zozketatuko direlarik.

Aipaturiko ikuskizun eta jolas guneez gain, diskoteka, eta lehiaketak izango dira. Bereziki nabarmentzekoa da abenduaren 28an ospatuko den mozorro lehiaketa, non irabazleak sari berezia jasoko duen.

Ekitaldiak antolatzen dituen Lankor enpresa profesionala izango da parkearen arduradun nagusia eta Gipuzkoako Foru Aldundiko Berrikuntzarako eta Jakintzaren Gizarterako Saila, Eusko Jaurlaritzako Ingurumen eta Lurralde Antolamendu Saila, Kursaal Fundazioa, Donostiako Udala, Eroski, Goiko Auto, Euskaltel eta Noticias de Gipuzkoa izango dira babesle.

Enpresa laguntzaileak, berriz, Autocares Alza, Cafés Baqué, Bengoa DJS, Berria, Euskadiko Golf Federazioa, Kaiku, Eusko Label Kalitatea, Nintendo, Orbea eta Rac dira.

Esan bezala, Haurren Gabonetako Parkea abenduaren 22tik urtarrilaren 4ra bitartean egongo da irekita. Abenduaren 24, 25ean eta urtarrilaren 1ean itxita egongo da. Ordutegiari dagokionez, goizez, 10,30etatik 13,30ak arte egongo da zabalik, eta arratsaldez, 16,00etatik 19,30ak arte (hilaren 31n, goizez bakarrik).


164 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin