Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Donostia eta Juan Carlos Gortazar izenak jarraiko dizkie Bilboko Udalak Miribilla auzoko bi kaleri, haien omenez


2006-12-26 13:41

BILBO, 26 (EUROPA PRESS)

Donostia-San Sebastián eta Juan Carlos de Gortázar izenak izango dituzte Miribilla auzo berriko bi kalek, Gipuzkoako hiriburuaren eta musikari bilbotar bikainaren omenez, hurrenez hurren.

Bere hiriaren izena eramango duen kalea ofizialki aurkezteko egingo den ekitaldira etortzeko gonbita egin zaio Odon Elorza Donostiako alkateari. Halaber, Juan Carlos de Gortazarren hainbat senitarteko ere bertan izango dira, Bilboko Udalak bere izena jarri baitio auzo bereko beste kale bati.

XX. mendeko kultura eta politikaren arloko ospe handiko bilbotarren izena daramate Miribilla auzo berriko kale askok. Izan ere, Juan Carlos de Gortázar kalea, dagoeneko Miribilla auzoan daudenei eransten zaie, hala nola, Angela Figuera olerkariaren, Angel Ortiz Alfau sozialistaren edo Andres Eliseo de Manacuria idazle eta apaizaren izenean daudenei.

Aldi berean, badira Bilborekin anaituta egon edo adiskidantzako lotura berezia duten hiri edo herrien omenezko kalerik ere, besteak beste, Santiago edo Durango.

Ignacio de Zubialde goitizenaz sinatzen zituen bere obrak Juan Carlos Gortazarrek. Musikografo honek, Bilboko Orfeoia eta Elkarte Filarmonikoa sortzeaz gain, Euskal Kulturaren Batzordeko eta Arte eta Etnografia Museoetako kide eta Eusko Ikaskuntzako batzordekide izan zen.

Bere izena eramango duen kalea, ibilgailuen joan-etorriak eta zuhaitz eta eserlekuez hornitutako 500 metroko luzerako kalea izango da.

Bestalde, Miribillan kokatutako Donostia-San sebastián kalea, auzo honetako beste batzuen ildoari jarraitzen dio, eta horien artean, Santiagoren izena daramanari, erreferentzia hutsa izan beharrean, haren ondareari eta hiritarren giza kalitateari eta abegi onari diogun mirespena erakutsi nahi baitugu.

Gernikako Lorategien bulebarraren paraleloan dagoen oinezkoentzako kalea da Donostia-San Sebastián, eta eserleku, zuhaitz eta berdegune txikiez jantzita dago. 150 metro inguruko luzera dauka.


263 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin