Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Deustuko Unibertsitateko Donostiako campusxeko Ekonomia eta Enpresa Zientzien Fakultateak 50. urteurrena ospatuko du


2006-10-03 16:22

DONOSTIA, 3 (EUROPA PRESS)

Deustuko Unibertsitateko Donostiako campuseko Ekonomia eta Enpresa Zientzien Fakultateak (ESTE) orain dela 50 urte eskaini zen lehenengo eskolaren urteurrena ospatu du. Horretarako, elkarrizketa bat antolatu du, eta ESTEren bizitzako pertsona ezagunek 50 urte hauetan aldatu denari buruz eta oraindik bere horretan jarraitzen duenari buruz hitz egiteko aukera izan dute.

ESTEren 50. urteurrena urriaren 26an ospatuko da. Hala ere, urriaren 3a ere egun berezia da Fakultatearen historian, ESTEn eskainitako lehenengo eskolaren 50. urteurrena ospatzen baita. Hori ospatzeko, jardunaldi bat antolatu da.

Gaurko egunez, duela 50 urte, Enpresako Teknikarien Goi Mailako Eskolan lehenengo eskola eskaini zen. Jesusen Lagundiko Aita Ignacio Errandonearen eta laguntzaile sekularren, horien artean Gipuzkoako industria gizonetako batzuk, Patricio Echeverria eta Victorio Luzuriaga kasu, ahaleginak fruituak eman zituen.

Jardunaldi horretan, elkarrizketan aritu dira ESTEren bizitzaren lehenengo urteetako pertsona esanguratsuak, horien artean, Jose Joaquin Paricio, ESTEko dekanoa 1968tik 1977ra eta hainbat promoziotako ikasle ezagunak: Andres Muñoz, ALCE Fundazioko presidentea eta bigarren promozioko ikasle ohia; Ignacio Echeverria, Bilboko Merkataritza Ganberako presidentea eta hirugarren promozioko ikasle ohia; Pepe Oliver, ESTEko irakaslea eta lehenengo promozioko ikasle ohia; eta Cristina Alberdi, INASMETeko Marketineko zuzendaria eta 32. promozioko ikasle ohia.

Elkarrizketa Jesus Torquemada kazetariak eta ESTEko irakasleak gidatu du eta 1956ko ESTEren eta 2006koaren arteko aldaketa esanguratsuenak agerian jarri dituzte hizlariek, baita 50 urte hauetan bere horretan iraun duten ezaugarriak ere.

Lehenengo eskolak Ategorrietan eman ziren, gaur desagertuta dagoen Brunet-Enea deituriko etxean. Lehenengo 59 ikasleak gizonezkoak ziren; lehenengo emakumea 1961ean sartu zen.

Elkarrizketaren amaieran, ESTEk ALCEri, izen bereko fundazioari eta fundazio hori osatzen duten ESTEko ikasle ohiei onespena agertu die, ESTEren 50 urte hauetan guztietan erakutsi duten konpromiso eta dedikazioagatik.

Era berean, Donostiako campusak, ESTEren 50. urteurrenaren harira, ESTE, 50 urte Liburutegian erakusketa antolatu du, Fakultateari erreferentzia egiten dioten dokumentuak biltzen dituena. Erakusketa Liburutegiko Aldizkarien Aretoan dago jarrita eta urrian ikusi ahal izango da.


182 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin