Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Derioko 20 urteko gazte bat atxilota bikotekideari erasotzearren


2006-01-30 13:31

Bilboko lokal bateko atezaina atxilotu dute erasoak leporatuta

BILBO, 30 (EUROPA PRESS)

Erandioko Ertzainetxeko agenteek 20 urteko gizonezko bat atxilotu zuten atzo Derion, bikotekideari tratu txarrak ematearen delitua leporatuta. Emakumea Gurutzetako ospitalean artatu zuten, euskal poliziaren arabera.

Gertaerak atzo eguerdian izan ziren, Derioko Mungialde etorbideko etxe batera joateko eskatu zietenean Ertzaintzako agenteei, etxebizitza horretatik emakume baten oihuak eta laguntza eskaerak entzuten zirelako.

Hasieran, bertaratu ziren patruilek atea jo zuten, baina ez zuten inolako erantzunik jaso barrutik. Handik minutu gutxira, ostera, hainbat kolperen zantzuak zituen emakume batek zabaldu zien atea. Ezpainetatik eta sudurretik odola zeriola, eta gorputz osoa minduta zuela esan zien; guztia bikotelagunak emandako kolpeen ondorioz, antza.

Ertzainek anbulantzia bat eskatu zuten biktimarentzat eta, bitartean, gizonezkoa identifikatzeari ekin zioten. Horrez gainera, etxeko geletako bat hankaz gora zegoela ikusi zuten. Jarraian, gertaeren ustezko egilea, H.E.G., atxilotu zuten. Gaur jarriko dute gizonezkoa Bilboko Guardiako Epaitegiko epailearen esku.

Bestalde, Ertzaintzako agenteek taberna bateko atezaina atxilotu zuten atzo Bilbon, lesioak eragitearen delitua leporatuta. Antza denez, goizaldeko 6,00ak aldera, bi gizonezko Errekakoetxe kaleko taberna batera sartzen saiatu ziren baina sarrerako langileek ez zieten utzi, eta azkenean indarra erabili behar izan zuten horien jarrerari erantzuteko.

Ertzaintzaren agenteek bi lagun horiek buruan zauriak zituztela eta odoletan zeudela ikusi zuten, beraz, erasoaren ustezko egilea, 35 urteko Bilboko bizilaguna, atxilotu zuten. Polizia-eginbideak amaitu ostean, atxilotua aske geratu zen Epaitegiko deiaren zain. Bitartean, erasoa jaso zuten bi lagunak Basurtuko ospitalean artatu zituzten eta, ondoren, alta jaso zuten.


444 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin