Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Denda bateko erakusleihoa apurtu dute Gasteizen estolda bateko taparekin


2006-02-23 13:28

Egile bietako batek haririk gabeko telefono bat zeraman, dendan ostutakoa, eta ertzainak haiek identifikatzen zebiltzan unean jo zuen



GASTEIZ, 23 (EUROPA PRESS)

Gasteizko Ertzainetxeko agenteek J.A.F.D. eta M.T.O. Arabako hiriburuko 41 eta 28 urteko gizonezko bi atxilotu dituzte gaur goizaldean, indarra erabilita lapurreta egin dutelakoan. Pertsona horiek denda bateko erakusleihoaren kristala puskatu zuten estolda bateko taparekin denda barruan lapurretan egiteko.

Euskal Poliziaren arabera, goizaldeko 5,00ak aldera, lagun batek Ertzaintzara deitu du eta jakinarazi duenez, Babesgabetuak auzoko denda batean kristalak apurtu direla entzun du. Gainera, segurtasun zentral batetik esan dutenez, inguru bereko denda batean lapurreta alarma aktibatu da.

Hiritarren segurtasunerako patruila bat bertaratzean, lagun bi ikusi ditu erakusleihoko beira antza estolda bateko taparekin puskatuta zuen denda baten inguruan. Agenteak gizonezko biok identifikatzen egon diren unean, bietako batek zeraman telefonoak jo du eta telefono hori aurkitu egin duela azaldu du.

Ertzainek erantzun diote deiari, izan ere, telefonoa zuen lagunak ez du egin nahi izan, eta alarma-enpresaren deia zela konturatu dira. Horrela, haririk gabeko telefonoa lapurreta izan den dendatik ostu dutela egiaztatu dute agenteek.

Poliziaren egoitzara eraman dituzte gizonezko biak atxilotu gisa, eta horietako bati haxixa eta marihuana aurki dizkiote kopuru txikitan. Gaur goizean, Gasteizko Guardiako Epaitegiaren esku utzi dituzte atxilotu biak (aurrekari polizialak zituzten).


233 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin