Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Debagoienak bere BPGaren %4,42 erabili zuen I+Grako 2007an, EAEn gastu honetan gehien inbertitu zuen eskualdea izanik


2009-02-09 10:41

BILBO, 9 (EUROPA PRESS)

Debagoiena eskualde gipuzkoarra -Antzuola, Aretxabaleta, Elgeta, Eskoriatza, Arrasate, Oñati, Leintz-Gatzaga eta Bergarak osatua- izan zen lider I+Gko gastuari begiratuz gero 2007. urtean, bere BPGren %4,42 inbertitu baitzuen alor horretan, Eustatek gaur emandako datuen arabera.

EAEko I+Gko gastuaren batez bestekoa (%1,65) sei eskualdek gainditu zuten; lau Gipuzkoakoak ziren: Debagoiena (%4,42), Debabarrena (%2,60), Donostia (%2,12) eta Goierri (%1,98); beste biak Bizkaikoak: Durangaldea (%1,82) eta Gernika-Bermeo (%1,81).

Bestalde, 2007. urtean EAEn 1.090 milioi euro gastatu ziren Ikerketa zientifiko eta Garapen Teknologikoko (I+G) jardueretan. Bilbo Handia, Donostia, Arabako Lautada eta Debagoiena 100 milioiren gainetik kokatu ziren I+Gko gastuan, eta denen artean EAEko gastuaren %76 egikaritu zuten. Dedikazio osoko baliokidetzan ari diren langileez, eskualde horiek ikerketan ari diren ikertzaile, teknikari eta laguntzaileen %79 hartu zuten.

Araba izan zen eskualde bakar batean I+Gko baliabiderik gehien zituen herrialdea, eta Arabako Lautadako gastua -118 milioi euro-, herrialde osokoaren %84 izan zen.

Bizkaian Bilbo Handia nabarmendu zen, 389 milioiko gastuarekin, hau da, I+G egikarituaren %77. Durangaldeko gastua 64 milioikoa izan zen, Bizkaikoaren %13.

Gipuzkoak izan zuen sakabanatze geografikorik handiena I+Gko baliabideei dagokienez. Donostiak -207 milioi- %46 hartu bazuen ere, Debagoiena nabarmendu zen da, 116 milioirekin (%26). Debabarrenak eta Goierrik bakoitzak %10 egikaritu zuten.

Gernika-Bermeo, Donostia eta Bilbo Handia izan ziren finantzaketa publikorik handiena jaso zuten eskualdeak. Denek gainditu zuten EAEko batez bestekoa (%37,6), batez ere zentro teknologiko garrantzitsuak bertan direlako.

Eskualde guztietan baliabiderik gehienak Ingeniaritza eta Teknologiarako izan ziren, Gernika-Bermeon eta Arabako Mendialdean izan ezik; azken hauetan Nekazaritza Zientziak (arrantza barne) eta Zientzia Medikoak nabarmendu ziren.

Emakumearen presentziari dagokionez, ikerkuntzan, EAEko batez bestekoa %33koa izan zen; gainetik kokatu ziren Arabako Mendialdea, Gernika-Bermeo, Bilbo Handia, Donostia, Arabako Lautada eta Markina-Ondarroa.


505 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin