Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Darwinen jaiotzaren 200 urteak ospatzeko ikertzaileen hitzaldi ziklo bat antolatu du Bilboko Bidebarrieta Kulturguneak


2009-02-04 11:54

Lehenengo hitzaldia bihar izango da eta Juan Luis Arsuaga Atapuercako indusketen zuzendariordeak emango du

BILBO, 4 (EUROPA PRESS)

Bilboko Bidebarrieta Kulturguneak hitzaldi ziklo batekin ospatuko du Charles Darwinen jaiotzaren 200. urteurrena, diziplina zientifiko ezberdinetako nazioarteko hainbat ikertzaileren partaidetzarekin. Darwinen Espezieen Eboluzioaren Teoria izango dute ardatz hizlariek, bere autoreari buruzko zenbait gairekin batera. Ekitaldiak Bidebarrieta liburutegiko ekitaldien aretoan izango dira, eta aurreko edizioetako arrakasta ikusirik programaren iraupena luzatu da.

Era honetan, 2007an eta 2008an hainbat hizlarik egun bakarrean parte hartu bazuten, 2009an hitzaldi ziklo bat antolatu da otsailean zehar. Hitzaldi guztiak ostegunetan izango dira, 19:30etatik aurrera, azkena izan ezik, otsailaren 25ean -asteazkena- izango baita. Sarrera doakoa izango da, aretoko 300 aulkiak bete arte.

Eboluzioa ospatuz - Charles Darwin jaiotzaren 200. urteurrena izenburupean antolatu den hitzaldi zikloa, Bilboko Udaleko Kultura eta Hezkuntza Sailak, Euskal Herriko Unibertsitateak (EHU), Circulo Esceptico elkarteak, EHUko Biofisika sailak, CSIC eta CIC bioGUNE-k elkarlanean antolatu dute. Izan ere, aurten zientzialari ingelesaren 200. urteurrena izateaz gain, bere teoria ezagun eta iraultzailearen argitalpenaren 150. urteurrena ere bada.

LAU HITZALDI

Horrela, lehenengo hitzaldia bihar izango da, ¿Wallace versus Darwin? izenburupean, Juan Luis Arsuaga Atapuercako indusketen zuzendariordearen eta UCM-ISCIII Eboluzio eta Izakien Portaeren Zentroko zuzendariaren eskutik. Eduardo Angulo EHUko Biologia irakasleak eta Circulo Escepticoko kideak aurkeztuko du.

Otsailaren 12an, Francisco J. Ayala hispaniar-iparramerikar biologoak, Kaliforniako Unibertsitateko irakasleak eta Bill Clintonen agintean bere zientzia aholkularia izan zenak Darwin y el diseño inteligente: creacionismo, cristianismo y evolucion hitzaldia eskainiko du; Juan Ignacio Perez EHUko Filosofiako katedradunak aurkeztuko du.

Hurrengo hitzordua otsailaren 19an izango da, Evolucion bajo dominio humano en el reino vegetal hitzaldiarekin. Biokimikan eta Biologia molekularrean katedraduna den Pilar Carbonerok eskainiko du, eta aurkezpena Felix Goñi EHUko Biokimikako katedradunak egingo du.

Azkenik, otsailaren 25, Charles Darwin: su obra y su mundo izenburuko hitzaldia eskainiko du Jose Manuel Sanchez Ron zientziaren historialariak eta hizkuntzalariak. Aurkezpena, Jose Maria Mato CIC bioGUNE eta CIC biomaGUNE-ko zuzendariak egingo du.


262 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin