Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Dantza Plazetan programak 44 erromeria, dantza alarde eta kalejira eskainiko ditu Bilboko plazetan urte osoan zehar


2009-01-30 13:52

BILBO, 30 (EUROPA PRESS)

Bilboko Udaleko Kultura eta Hezkuntza Sailak Dantza Plazetan programaren edizio berria jarri du martxan, euskal folklorea indartzeko eta plaza publikotan erromeriaren tradizioa berreskuratzeko. Ekimena antolatzeko, Kultura eta Hezkuntza Sailak Bilboko zazpi dantza taldeen eta Bizkaiko Dantzarien Biltzarraren laguntza du.

Egitarau berrik 44 emanaldi eskaintzen ditu urte osoan zehar banaturik, Deustu, Ibaiondo, Basurtu-Zorrotza, Errekalde eta Santutxuko barrutietako plazetan. Progamaren alderik originalena da alarde klasikoen emanaldiak eta partaidetzarako uneak biltzen dituela, dantzariek ikus-entzuleari parte-hartze aktiborako gonbidapena eginez.

Alarde gehienak asteburuetan izango dira, nahiz eta egitarauak asteko egunetan zehar ere jaso erromeriak ospatzeko zenbait egun. Zehazki, Dantza Plazetan egitaraua bihar bertan hasiko da, Zazpi Kaleetako Santiago Plazan, 20:00etan, Salbatzaile dantza taldearekin.

Halaber, Beti Jai Alai taldeak lau erromeria eskainiko ditu Basurtuko Aita Donostia plazan, otsailean, ekainean, uztailean eta urrian; Deustuko Folklore Taldeak lau ekitaldi burutuko ditu San Pedro Plazan otsailean, martxoan, ekainean eta azaroan; Bihotz Alai taldeak Deustuko beste gune batzutan banatuko ditu bere bost emanaldiak, hala nola, Elorrietan, Arangoitin, Ibarrekolandan edo Deustuko Erriberan.

Gainera, Ondalan erraldoi eta buruhandien taldea hamar aldiz irtengo da kalera Deustuko plaza desberdinetan zehar; Bizkaiko Dantzarien Biltzarra, Arriagako eta La Casillako Plazan ariko da sei aldiz; azkenik, Gaztedi Dantzari Taldeak lau erromeri eta kalejira bat antolatuko ditu Santutxuko Karmelo Plazan.

DANTZA ESKOLETARA

Bestalde, Bilboko Udaleko Kultura eta Hezkuntza Sailak Dantza Eskoletara programarekin jarraitzen du. Ekimen honek musika eta euskal dantza tradizionalarekiko umeen artean zaletasuna piztu nahi du, eta aurten 14 ikastetxe publikoren partaidetza du, 450 ikasle ingururekin. Programa urrritik dago martxan eta ekainera bitartean egingo da, Bizkaiko Dantzarien Biltzarraren eskutik ikasleek euren ikastetxeeetan dantza ikastaroak izango dituztelarik.

Programari ukitu ezin hobea emateko, ekainean, Eskolarteko XXII. Dantza Jaialdia ospatuko da Deustuko Ikastolan, eta 14 ikastetxeetako ikasleek (Basurto, Deusto Ikastola, Deustoko Eskola, Gabriel Aresti, Maestra Elena de las Fuentes, Maestra Isabel Gallego de Gorria, Pagasarribide, San Inazio, Zurbaran, Birginetxe, Indautxu, Pio Baroja, Txurdinaga eta Zurbaranbarri) ikastaroetan ikasitakoa erakusteko aukera izango dute.


302 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin