Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Claudio Palomo EHUko Kimika Organikoko katedradun bartzelonarra da 2008ko Euskadi Ikerketako Sariaren irabazlea


2009-01-13 18:10

BILBO, 13 (EUROPA PRESS)

Claudio Palomo (Bartzelona, 1951) Euskal Herriko Unibertsitateko (EHU) Kimika Organikoko katedradunak lortu du 2008ko Euskadi Ikerketa Saria, Zientzia eta Teknologiaren modalitatean. Euskadin zientzia garatzeko egin duen lanagatik saritu du Palomo Eusko Jaurlaritzako Hezkuntza, Unibertsitate eta Ikerketa Sailak.

Atzo Bilbon bildu zen epaimahaiaren ustez, Palomo irakasleak oso ekarpen garrantzitsuak egin ditu sintesi organikoan eta metodologia berriak garatzeko laguntza nabarmena eman du, karbono-karbono loturak sortzeko, baita zenbait arlo terapeutikotan molekula bioaktiboak sortzeko ere.

Ingeniari kimikoa (Sarriako Kimika Institutua, 1975), Kimikan lizentziatua (Bartzelonako Unibertsitate Zentrala, 1976) eta Zientzia Kimikoetan doktorea (1983) Euskal Herriko Unibertsitatean, Palomo irakasleak irakaskuntza eta ikerketa-jarduerak gauzatu ditu zenbait unibertsitatetan, Euskal Herrikoan, Buenos Airesen, Mexikon eta Berkeley-en (AEB) esate baterako. Berkeley unbertsitate estatubatuarran -1992an joan zen hara- itzultzen denean haren ikerketa-ildo nagusia izango den gaian sakontzen du, sintesi asimetrikoan alegia.

Claudio Palomo irakasleak 30 doktore-tesi baino gehiago zuzendu ditu, 200 artikulu zientifiko baino gehiago eman ditu argitara eta hitzaldi ugari eman ditu unibertsitateetan eta Espainia eta hainbat herrialdetako ikerketa-zentroetan. Halaber, Kimika Organikoan bikaintasun-eskola bat -Euskal Herriko Unibertsitatean nazioarteko ospea izango duena- sortzeko lana egin du eta, bere lanari esker, bere taldea nazioarteko erreferente bihurtu da kimikaren zenbait alderditan.

Juan Jose Ibarretxe lehendakariaren eta Tontxu Campos Hezkuntza, Unibertsitate eta Ikerketa sailburuaren eskutik jasoko du Palomo irakasleak saria, otsailaren hasieran Ajuria Enean izango den ekitaldi batean.


411 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin