Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Charo Lopez aktore espainiarra Barakaldo Antzokian izango da asteburuan, Ariel Dorfmanen El otro lado obrarekin


2009-01-05 17:38

BILBO, 5 (EUROPA PRESS)

Charo Lopez aktore espainiarra izango da asteburuko protagonista Barakaldo Antzokian (Bizkaia), Ariel Dorfmanen El otro lado izenburuko bere antzezlan berriarekin izango baita antzoki barakaldoarrean.

Lopezekin batera, Eusebio Lazaro eta Jose Luis Torrijo ere izango dira taula gainean, Lazaro bera izanik muntaiaren zuzendaria, aretoko arduradunek prentsa ohar batean gaur jakinarazi dutenez.

El otro lado obraren egile Ariel Dorfman, antzerkigile, eleberrigile, poeta eta saiogile izateaz gain, giza eskubideen aldeko ekintzaile ezaguna da. Bere lehen lana La muerte y la doncella izan zen; obra honen zinemako moldaketa Roman Polansky ezagunak zuzendu zuen, eta protagonistak Sigourney Weaver eta Ben Kingsley aktore ospetsuak izan ziren. Obra hori izan zen Dorfmanen idatzi zuen azkena, El otro lado idatzi arte, Tokioko New National Theatre-n enkarguz.

Herrien eta pertsonen arteko mugak, gerren suntsiketa, bikoteen harremanak edota belaunaldien arteko gorabeherak dira obrak jorratzen ditun gai batzuk. Gatazkak etengabeak diren mundu irrigarri eta zentzugabe bati buruzko metafora bat da lana.

Euren etxean arrotz bihurtu diren pertsona batzuren istorio groteskoa fartsa bihurtuko lukeen gehiegikeri erraza saihesteko Dorfmanek testua gidatzeko orduan erabiltzen duen umorea nabarmendu du Eusebio Lazaro zuzendariak.

El otro lado antzezlana larunbatean eta igandean ikusi ahal izango da Barakaldo Antzokian, 20:00etan eta 19:00etan hurrenez hurren.


354 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin