Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Capsula, Los Paniks, Eureka Hot IV eta Lobo Electrico taldeek kontzertua eskainiko dute bihar Bermeon (Bizkaia)


2009-01-30 12:23

BILBO, 30 (EUROPA PRESS)

Rockaren joera ezberdinek bat egingo dute bihar Bermeon (Bizkaia), Nuntxaku kultur elkarteak antolatzen duen Nuntxaku Gauak egitarauren baitan Capsula, Los Paniks, Eureka Hot IV eta Lobo Electrico taldeek eskainiko duten kontzertuan. Saioa 21:00etan hasiko da, Jose Done ikastetxe zaharreko Kaperan, eta sarrerak 5 euro balioko du, antolatzaileek Europa Press-i baieztatu diotenez.

Capsula talde bilbotar-buenosairestarrak otsailaren hasieran kaleratuko du bere bigarren diskoa izango dena, Rising Mountains izenburupean. Martin eta Coni buru dituen taldeak BCore zigilu bartzelonarrarekin argitaratuko du bere lan berria, eta Bermeon aurrerapen bat entzuteko aukera izango da. Gainera, larunbateko kontzertuaren ondoren, Capsula nazioarteko bira bat burutuko du martxoan zehar, Portugalen, Kanadan eta Ameriketako Estatu Batuetan (AEB) hainbat kontzertu eskainiz.

Rock and roll iluna eta psikodelikoa punk eta elektronika ukituekin da hirukote buenosairestar-bilbotarrak eskaintzen duena. Euskal Herriko talderik aktiboenetarikoa da Capsula, etengabe kontzertuak ematen egoteak erakusten duen bezala.

Bestalde, Barakaldo eta Bermeoko musikariek osatzen dute Los Paniks, J.R. Rioja abeslaria eta gitarrista buru dela. Panik Piknik bigarren diskoa aurkezten ari da talde bizkaitarra eta larunbatean Bermeon izango du hitzordua.

Rock, punk, garage, gospel, soul, western eta rumble dira taldearen eraginak, soinu primitiboak eta gordinak izanik bere ezaugarri nagusiak. Gainera, taldearen El baile del karramarro abestiaren bideo-klipak sekulako arrakasta lortu du Youtube atarian eta mundu osoko milaka sarrera izan ditu bertan eskegita dagoenetik.

EUREKA ETA LOBO

Eureka Hot IV eta Lobo Electrico taldeek osatuko dute larunbatean Bermeon izango den kontzertuko egitaraua. Eureka Hot IV laukote bermeotarrak aurki kaleratuko du bere lehenengo lan luzea izango dena, duela bi urte autoekoizturiko Eureka Hot III sei abestiko CDaren ondoren.

1960ko hamarkadako soul zaharra, 1970eko hasierako funky, free jazz, rock and roll zaharra eta 1950eko hamarkadako rhythm & blues soinuak dira taldearen eragin nagusiak, hori guztia punkaren sonoritatean eta jarreran kokatuta.

Azkenik, Lobo Electrico talde tolosarrak joan den urtearen bukaeran plazaraturiko bi abestiko single berriarekin helduko da Bermeora. Fantasma eta Luna Roja abestiak jasotzen ditu rock, hard rock eta psikodelia kutsua duen taldearen eskaintza berria.


308 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin