Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Buenos Aires kalea bi hilabetez egongo da itxita gutxi gorabehera trafikoarentzat saneamendu-sarea berritzeko


2006-01-24 14:29

Aparkaleku eta autobusen linea ezberdientan eragina izango du, baina ez tranbian

BILBO, 24 (EUROPA PRESS)

Bizkaiko hiriburuan datorren ostegunean, hilak 26, Buenos Aires kaleko estolderia-sarea ordezkatzeko obrak hasiko dira goizeko 8,00etan, eta gutxi gorabehera bi hilabete beharko dituzte. Obrak egiteko Buenos Aires kalea itxi beharko da, Plaza Biribila eta Colon de Larreategi kalearen artean, lanak bukatu arte.

Bilboko Udalak bere webgunean adierazten duenez, Buenos Aires kaleko estolderia-sarearen hondatze larria antzeman eta hilabete batera, Bilboko Udalak erabaki du gabonak pasa ondoren hodiak hobetzen hasteko une egokia zela. Zirkulazioan eragin luzea ez izatearren, lanak bi hilabeteko fase bakar batean egingo dira.

Matxura aurkitu den kale zatian dagoen sarearen konfigurazioa eta sakontasuna direla-eta, bakarrik berritu daiteke aire zabalean. Hortaz, Buenos Aires kalea moztu beharko da zirkulazioarentzat, Plaza Biribila eta Colon de Larreategi kalearen artean.

Erabaki horrek aldaketa nabarmenak ekarriko ditu zirkulazioan, baita garraio publikoan edota Bilbobuseko lineetan baina obrek ez dute eraginik izango tranbiaren zerbitzuan.

Aldaketarik nagusienak hiru gunetan emango dira: Mazarredo Zumarkalean Kale Nagusiaren eta Ibañez de Bilbao kalearen arteko tarteak zirkulazioaren bi noranzkoak izango ditu, Arenalera joateko Ernesto Erkoreka Plazatik (Udaletxean) bakarrik joan ahal izango da eta Nafarroa Kalea, garraio publikorako bakarrik erabili ahal izango da, eta bi noranzkoak izango ditu.

Hauetaz gain, beste hainbat kalek eta Buenos Airesera sarrera-irteerek aldaketak jasango dituzte baita eta autobusek jasango dituzten maiztasun aldaketak Bilboko Udalaren webgunean ageri dira, www.bilbao.net helbidean.






153 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin