Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bost pertsona atxilotu dituzte Gipuzkoan zenbait lapurretetan nahasita daudelakoan


2009-02-05 14:02

DONOSTIA, 5 (EUROPA PRESS)

Ertzaintzaren agenteek bost pertsona atxilotu dituzte azken orduetan Gipuzkoan, hainbat lapurreta egitea egotzita. Gertakariak Donostian (poltsa bat lapurtu dute tirakada eginez), Andoainen (etxebizitza batean osten saiatu dira, balkoitik igota), Irunen (diru-zorro bat lapurtu dute) eta Zarautzen (lokal batean ostu dute) jazo dira, Eusko Jaurlaritzako Herrizaingo Sailak jakinarazi duenez.

Horrela, Ertzaintzak 18 urteko gizonezko bat atxilotu zuen Donostian atzoko 22:00ak aldera, haurdun zegoen emakumezko bati tirakada eginez poltsa lapurtzeagatik. Gertakariak Frantzia kaleko lurpeko igarobidean jazo ziren, bi gizonezko emakumezkoaren gainera joan zirenean eta zorroa ostu ziotenean.

Andoainen, emakumezko batek gizon bat aurkitu zuen bere etxebizitzako terrazan (lehenengo solairuan) eta beste bat atzeman zuen bertara igotzen saiatzen ari zenean. Biktimak balkoiko atea ixtea eta pertsiana jaistea lortu zuen. 112 SOS Deiak ohartarazi ostean, patruila batek ustezko lapurrak atzeman zituen inguruetan. Euren motxiletan bihurkin handi bat eta kurrika eta artazi batzuk aurkitu zituzten.

Arratsaldean, pertsona batek Ertzaintza ohartarazi zuen gizonezko batek diru-zorroa lapurtu baitzion Irunen. Dirudienez, bere aldamenean jesarri zen Renfeko trenean (Donostia-Irun) zihoanean. Biktima Ertzainetxera joan zen salaketa aurkezteko eta bertan lapurrarekin topo egin zuen, agenteek lapurretaren berri izan eta minutu batzuk geroago atxilotu egin baitzuten inguruetan.

Azken atxiloketa gaur goizaldean izan da, Zarautzen. Herritar batek Ertzaintza ohartarazi du, pertsona bat bere etxebizitzako atarian kutxa erregistratzaile bat eta telefono publiko bat manipulatzen ari zelako. Patruila bertaratu denerako, ustezko lapurrak alde egin zuen jada, baina gertuko plaza batean atzeman dute.

Bere gauzen artean, txanpon eta billete ugari, mazo bat, zizel bat eta bihurkin bat aurkitu dituzte. Eremuko lokaletatik egindako miaketa batean, taberna batek leiho bat hautsita eta salmahaia nahasita zituela egiaztatu dute agenteek.


437 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin