Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bost lagun atxilotu dituzte Mallabian (Bizkaia) automobilgintza enpresa batean lapurtzen saiatzeagatik


2009-02-02 17:56

BILBO, 2 (EUROPA PRESS)

Ertzaintzaren agenteek bost pertsona atxilotu zituzten atzo arratsaldean Mallabian (Bizkaia), automobilgintza enpresa batean lapurtzen saiatu izana egotzita. Atxilotuak enpresako ate bat bortxatuz sartzen ahalegindu ziren, baina jabeak harrapatu zituen. Azken honi hitzez aurre egin zioten eta, ondoren, alde egin zuten, Eusko Jaurlaritzako Herrizaingo Sailak gaur jakinarazi duenez.

Atzo arratsaldean, 17:10 aldera, pertsona batek Mallabiko Goitondo industrialdean duen enpresan lapurtzen ari zirela jakinarazi zion Ertzaintzari. Dirudienez, bost lagun enpresan sartzen saiatu ziren ate bat bortxatuz eta, jabeak barruan harrapatu zituenean, aurre egin zioten mehatxu eginda. Jabea enpresa barruan babestu zen eta lapurrek furgoneta batean alde egin zuten, Ermurako noranzkoan. Biktimak une hori aprobetxatu zuen Ertzaintza ohartarazteko.

Pixka bat geroago, patruila batek furgoneta Mallabian atzeman zuen eta bidaiariak (16 eta 38 urte bitarteko lau gizonezko eta emakumezko bat) identifikatu zituen; guztiek aurrekariak dituzte ondarearen kontrako delituengatik. Agenteek miaketa egin zuten ibilgailuaren barruan eta lapurreta egiteko erabili ohi diren hainbat erreminta (ahuntz-hanka bat, giltza mota ezberdinak, erreia osteko gomazko hodi bat) atzeman zizkieten.

Bost lagunak atxilotu eta polizia egoitza batera eraman zituzten, dagozkien eginbideak burutzeko. Ondoren, aske utzi zituzten eta epailearen aurrean noiz agertu zain daude.


365 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin