Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bosnia.- Aditu forentseek 277 gorpu atera dituzte Bosniako ipar-ekialdean hobi komun batetik


2006-12-13 12:33

SARAJEVO, 13 (EP/AP)

Aditu forentseek 277 gorpu atera dituzte Bosniako ipar-ekialdean aurkituriko hobi komun batetik, iturri ofizialek gaur jakinarazi dutenez. Indar militar serbiarrek 1990ko hamarkadako gerran eginiko garbiketa etnikoko biktimenak dira gaur ateratako gorpuak.

Gorpuak hobitik atera ditugu eta 155 gorpu oso eta osatugabeko beste 162 gorpu bildu ditugu, adierazi du Murat Hurtic talde forentsearen zuzendariak. Bere esanetan, gorpuak beste toki batean lurperatuak izan ziren hasieran hilketak ezkutatzeko, baina ondoren, toki horretara eraman zituzten. Hurticen arabera, biktima batzuren gorpuen ondoan aurkituriko agiriek diote biktima guztiak Bosniako ipar-ekialdean dagoen Brcko herrikoak zirela.

Eskeletoen buruetan agerian dauden zauriek --zehazki garezurretan-- diote biktima asko birritan edo hirutan buruan tiroa emanda exekutatuak izan zirela, azaldu du.

Gorpuak DNA analisiekin identifikatuko dituzte eta senideei bueltatuko zaizkie. Askotan, bigarren mailako hobi komunetan aurkitzen diren gorpuak osatugabe agertzen dira, normalean indusmakinak erabiltzen direlako bigarren aldiz lurperatuak izateko.

Brcko herriko 500 bosniar musulman eta kroaziar katoliko baino gehiago daude desagertuta oraindik 1992-1995 gerratik, indar serbiarrek herria hartu eta serbiarrak ez zirenak kanporatu edo hil zituztenetik, alegia.


105 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin