Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Blas de Otero Fundazioak 14 eta 20 urte arteko gazteei zuzenduriko Bertsoen irudiak argazki lehiaketa antolatu du


2009-01-26 11:55

BILBO, 26 (EUROPA PRESS)

Blas de Otero Fundazioak Bertsoen irudiak goiburuko argazkigintza lehiaketa antolatu du, 14 eta 20 urte bitarteko neska-mutilentzat. Lehiaketaren asmoa da gazteek Blas de Oteroren lanaren berri izatea eta haren olerkiak parte-hartzaileek eurek egiten dituzten irudiekin lotzea, hala bertso nola irudietan, bihotza, sormena eta zirrara nahas daitezen, antolatzaileek azaldu dutenez.

Argazkiek aipu egin beharko diote batzorde antolatzaileak aukertaturiko Blas de Oteroren poema batzuei, eta bertso horiek fundazioaren webgunean kontsulta daitezke: http://fundacionblasdeotero.org/.

Parte-hartzaileek fundazioaren web-orrian agertzen den formularioa bete beharko dute, eta posta elektroniko bidez bidaliko dituzte argazkiak Blas de Otero Fundazioaren helbidera. Lehiakide bakoitzak hiru irudi bidaliko ditu gehienez, JPEG formatuan, eta gehienez 4 MB-eko tamainarekin. Lanak aurkezteko epea martxoaren 6an bukatuko da.

Lehiaketak irauten duen bitartean, Pablo Amargo irudigileak lehiaketarako berariaz diseinaturiko 100 kamiseta zozkatuko dira parte-hartzaileen artean. Argazkiak aurkezteko epea bukatuta, epaimahaiak bi kategoriatan banatuko ditu jasotako lanak: 14 eta 17 urte bitartekoa eta 18 eta 20 urte bitartekoa.

Atal bakoitzeko saria argazki kamera digital reflex bat izango da, 10 mega pixeletik gorakoa. Epaimahaiak martxoaren 14an jakinaraziko du bere erabakia, poeta bilbotarraren jaiotze-datatik hurbil (martxoak 15), fundazioaren webgunean eta sarituekin zuzenean harremanetan jarriz.


188 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin